Sosial

Vəfat edən əsgərimizin atası müharibə iştirakçısı imiş

15 Avqust 2024 16:42

Xəbər verdiyimiz kimi, Daxili Qoşunlarının müddətli həqiqi hərbi xidmət hərbi qulluqçusu əsgər Sərxan Qurbanov xəstəlikdən vəfat edib.

Publika.az Modern.az-a istinadən xəbər verir ki, vəfat edən hərbi qulluqçu Xaçmaz rayonundandır.

Onun atası və qardaşı eyni vaxtda Vətən müharibəsində savaşıb.

Atası Nəriman Qurbanov Birinci Qarabağ müharibəsi, Aprel döyüşləri və Vətən müharibəsində iştirak edib. O, 2001-2021-ci illərdə hərbi xidmətdə olub, baş gizir kimi Zəngilanın, Xocavəndin azad edilməsi uğurunda döyüşlərdə iştirak edib və bir sıra medallarla təltif olunub.

Sərxan Qurbanovun qardaşı Orxan Qurbanov da İkinci Qarabağ müharibəsində döyüşüb. O, “Şuşanın azad olunmasına görə”, “Cəbrayılın azad olunmasına görə”, “Füzulinin azad olunmasına görə” medalları ilə təltif edilib.