Sosial

İctimai yerlərdə "Wi-Fi"lara qoşulanlara XƏBƏRDARLIQ

21 Oktyabr 2024 10:28

İctimai yerlərdə "Wi-Fi"ya qoşularkən ehtiyatlı olun… Kiberdələduzların tələsinə düşə bilərsiniz...

Publika.az xəbər verir ki, mütəxəssislər deyir ki, ictimai yerlərdə ölkədə fəaliyyət göstərən provayderlərə məxsus olmayan "Wi-Fi"lardan istifadə artıb. Vətəndaşlar pulsuz olduğu üçün bu internetlərdən istifadə edirlər, lakin baş verə biləcək təhlükələrdən xəbərsizdirlər

İKT üzrə mütəxəssis Əmrah Mövsümzadənin sözlərinə görə, kiberdələduzlar saxta "Wi-Fi" şəbəkələri düzəldib vətəndaşların məlumatlarını ələ keçirə bilirlər

Mütəxəssislər kiberdələduzların qurbanına çevrilməmək üçün vətəndaşlardan açıq "Wi-Fi" şəbəkələrinə qoşulduqları zaman diqqətli olmalarını, əmin olmadıqları şəbəkələrdən istifadə etməməyi tövsiyə edir. Digər təhlükəsizlik tədbirlərindən biri isı bu tip "Wi-Fi" şəbəkələrinə qoşularkən xüsusi VPN istifadə etməkdir.

VPN internet trafikini xüsusi alqoritmlərlə şifrələyərək dələduzlarla aranızda sədd rolunu oynayır.