Aşağı baxırsan azar, yuxarı baxırsan bezar: Yaşamaq üçün neçənci mərtəbə idealdır?

Birinci mərtəbələrdə yaşayan insanlar ən çox ağciyər sisteminin xəstəliklərinə məruz qalırlar.

Publika.az xəbər verir ki, bunu terapevt Şirin Orayeva "RİA Novosti"yə bildirib.

"Birinci mərtəbələrdə yaşayan insanlar daha tez-tez ağciyər sisteminin xəstəliklərinə məruz qalırlar, yuxarı mərtəbələrdə yaşayanlarda isə baş ağrıları, narahatlıq pozğunluqları və qan təzyiqi və ürək dərəcəsinin qeyri-sabitliyi daha çox olur", - deyə Orayeva bildirib.

Mütəxəssisin sözlərinə görə, birinci və ikinci mərtəbələrdə yaşamaq təhlükəsi göbələk və kiflərin toplandığı zirzəmilərə yaxınlıqdandır. Zərər həm də yol kənarından işlənmiş qazların yığılması, istidə asfaltdan çıxan toz və tüstülərdən də qaynaqlanır.

Yuxarı mərtəbələrə (yeddinci mərtəbədən yuxarı) gəldikdə, burada evin sakinləri üçün sənaye dumanından - müəssisələrdən çıxan egzozlar və elektromaqnit radiasiya təhlükəsi var.

"Yüksək titrəmə və atmosfer təzyiqinin dəyişməsi, həmçinin son dərəcə hündür mərtəbələrdə (25-ci və yuxarı) lift yüksək sürətlə qalxdığına görə də yaşamaq təhlükəlidir", deyə Orayeva bildirib.

Mütəxəssis qeyd etdiyi kimi, tibbi baxımdan optimal yer birinci və yeddinci mərtəbələr arasındadır. Lift xarab olsa belə bu mərtəbələrə qalxmaq problem olmur, həyətdə oynayan uşağı izləmək rahatdır, səs-küy, rütubət və çirklənmədən uzaqdır.

Adəm