Cənubi Qafqaz
Paşinyandan Azərbaycana MÜHARİBƏ ELANI - Rusiyadan Qarabağ XƏBƏRDARLIĞI
Ermənistanda Nikol Paşinyanın rəhbərlik etdiyi xalq
hərəkatı qalib gəlir.
Publika.az xəbər verir ki, etirazçılar artıq küçələrdən
çəkiliblər və hər kəs sabah – mayın 1-də keçiriləcək baş nazir
seçkilərinə hazırlaşır.
Ermənistanın yeni konstitusiyasına görə, ölkəyə rəhbərlik edəcək
baş naziri parlament seçməlidir. Parlamentdə baş nazir seçilən Serj
Sarkisyan etirazlar nəticəsində istefa verməyə məcbur oldu.
Hazırda baş nazirliyə əsas namizəd Paşinyandır. Onu özünün təmsil
olunduğu “Elk”, həmçinin, “Daşnaksutyun” və “Sarukyan” fraksiyaları
dəstəkləyir. Lakin Paşinyanın qələbəsi üçün 105 deputatdan 53-nün
ona səs verməsi lazımdır. Üç fraksiya onu dəstəkləsə də, qələbə
üçün Sarkisyanın Respublika Partiyasından da ən azı 6 deputatın
Paşinyana səs verməsi lazımdır. Bu, mümkün olacaqmı? Hələlik heç nə
aydın deyil.
Bu arada, Paşinyan Moskvanın narahat olduğu məsələyə aydınlıq
gətirdi. O, “Avrasiya İqtisadi İttifaqı ilə heç bir problem yoxdur.
Biz Emənistanın ittifaqdan çıxışı üzrə məsələni qoymağa
hazırlaşmırıq” deyə bildirdi. Hesab etmək olar ki, bu açıqlama
Paşinyanın baş nazirlik yolunu açacaq. Amma doğrudanmı Qərbdəki
erməni diasporunun dəstəyi ilə Sarkisyanı devirən Paşinyan Rusiyaya
münasibətdə səmimidir? Proseslərin ümumi analizi onun siyasi gediş
etdiyinin daha inandırıcı olduğunu deməyə əsas verir. Çünki
Moskvanın dəstəyi olmadan Ermənistanda iqtidarı ələ almaq çətindir.
Paşinyan başlatdığı hərəkatın nəticəsiz başa çatmasındansa, indiki
halda Rusiya ilə razılaşıb hakimiyyətə gəlməyi, öz siyasi
planlarını sonrakı mərhələdə həyata keçirməyi düşünür. Mayın 1-də
baş verənlərə aydınlıq gələcək.
Paşinyanın Dağlıq Qarabağla bağlı mövqeyi isə xüsusi diqqət çəkdi.
O bildirdi ki, “Azərbaycanı Qarabağ münaqişəsinin nizama salınması
üzrə danışıqlarda “konstruktiv məcraya qayıtmağa məcbur etmək”
lazımdır. Bizim vəzifəmiz ordunu möhkəmləndirmək, döyüş hazırlığını
artırmaqdır. Bu, Azərbaycanı konstruktiv məcraya qaytarmağın
yoludur. Biz Qarabağı tam dəstəkləyirik və baş nazir seçiləcəyim
təqdirdə ilk addımım təmas xəttində operativ vəziyyətlə tanış
olmaqdan ibarət olacaq”.
Bu, faktiki müharibə çağırışıdır və hətta Sarkisyan belə buna
cəsarət etmirdi. İlk baxışdan, bu açıqlamanı Paşinyanın seçkiyə
hesablanmış fikri olaraq qiymətləndirmək olar.
Rusiyalı politoloq Aleksey Martınov isə hesab edir ki, Paşinyan baş
nazir seçilsə, ölkə daxilində dəstəyi almaq üçün Qarabağ
məsələsində daha sərt mövqe nümayiş etdirəcək. Onun fikrincə,
vəziyyət nəzarətdən çıxacaqsa, Qarabağda müharibə qaçılmaz
olacaq.
Asif
-
İKT23:24
İki qurum kiberdələduzlarla bağlı əhaliyə XƏBƏRDARLIQ ETDİ - FOTO
-
Magazin123:07
"Avroviziya-2024" mahnı müsabiqəsinin birinci yarımfinalı başladı - CANLI
-
Cənubi Qafqaz22:52
Ermənistanda əsgər GÜLLƏLƏNDİ
-
Magazin222:24
İki qızdan biri indi çox məşhurdur - 40 ildən sonra eyni pozada FOTO
-
Magazin121:48
Ağakərimin son vəziyyəti AÇIQLANDI - FOTO
-
Nida Xəbər 20:24
Vəzifədən azad edilən eks-baş nazir DANIŞDI: "Adamı əsəbiləşdirirlər"
-
Sosial19:48
Azərbaycanda faciəvi şəkildə ölən prokurorun FOTOSU
-
Magazin119:24
Aygün Bəylərin ailəsi tiktoker Ləmandan polisə şikayət etdi - FOTO