Paşinyanın etirafı: Ölkənin təhlükəsizliyinə tam əmin deyiləm

Ermənistanın baş naziri Nikol Paşinyan ölkənin təhlükəsizliyinə tam əmin olmadığını deyib.

Publika.az “Sputnik Armenia”ya istinadən xəbər verir ki, Ermənistan hökumətinin başçısı qeyd edib ki, çoxlu risklər var və regionda sülh təkcə erməni tərəfdən asılı deyil.

Amma o, hakimiyyətin bu mühiti idarə etmək üçün nə etmək lazım olduğuna dair mövqeyi olduğunu vurğulayıb. Bu kontekstdə Paşinyan sülh gündəminin vacibliyini qeyd edib.

Eyni zamanda hökumət başçısı etiraf edib ki, risklər çoxdur və Ermənistan tərəfi sülhün təkcə ondan asılı olmadığının fərqindədir.

Baş nazirin sözlərinə görə, beynəlxalq ictimaiyyət müəyyən dərəcədə Ermənistana və bütövlükdə regiona diqqət yetirir və bu diqqətdən uzunmüddətli həll yollarına nail olmaq, regionda sülhün bərqərar olması üçün istifadə etməyi bacarmaq lazımdır.

Xatırladaq ki, Ermənistanın baş naziri Nikol Paşinyan martın 2-3-də Berlində səfərdə olub. Ermənistan hökumətinin başçısı Almaniya kansleri Olaf Şolts və prezident Frank-Valter Ştaynmayerlə görüşlər keçirib.

Mehti Kamiloğlu