Cənubi Qafqaz

Qalstanyan indi də İRƏVANI QARIŞDIRIR: hakimiyyətə tələblər irəli sürəcək - VİDEO

9 May 2024 18:48

Erməni Apostol Kilsəsinin Tavuş yeparxiyasının rəhbəri Baqrat Qalstanyanın rəhbərliyi ilə İrəvanın Respublika meydanında “Vətən uğrunda” hərəkatının çoxminlik aksiyası keçirilir.

Publika.az News.am-a istinadla xəbər verir ki, mayın 4-də sərhəddəki Kirants kəndindən İrəvana doğru başlayan yürüş başa çatıb.

Etiraz hərəkatına müxtəlif geosiyasi yönümlü bir çox siyasi qüvvələr, ictimai xadimlər, elm və incəsənət xadimləri, tələbələr qoşulub.

Onlar Azərbaycana birtərəfli güzəştlər siyasətinə qarşıdırlar.

Mitinqdə arxiyepiskop Qalstanyanın hakimiyyətə tələblər səsləndirəcəyi gözlənilir.

Xatırladaq ki, bundan əvvəl Ermənistan Milli Təhlükəsizlik Xidməti mayın 9-da planlaşdırılan etiraz aksiyasının iştirakçılarının qanunsuz hərəkətlərinə qarşı xəbərdarlıq edərək, konstitusiya quruluşunu təhdid edən hər hansı qanunsuz hərəkətin qanunla nəzərdə tutulmuş bütün vasitələrdən istifadə etməklə zərərsizləşdiriləcəyini vəd edib.

Hüseyn İbadlı