Ermənistan barıt çəlləyinə dönür: Paşinyana bir saat VAXT VERİLDİ - FOTO

Ermənistan Apostol Kilsəsinin Tavuş yeparxiyasının rəhbəri, arxiyepiskop Baqrat Qalstanyan İrəvanda keçirilən çoxminlik etiraz toplantısında ölkənin baş naziri Nikol Paşinyana istefa verməsi üçün bir saat vaxt verib.

Publika.az xəbər verir ki, bu barədə "Tsargrad" TV məlumat yayıb.

"Nikol Paşinyan, istefa vermək üçün sənə bir saat vaxt veririk. Mən bu saat ərzində görüşməyə və istefanın bütün şərtlərini müzakirə etməyə hazıram. Artıq burada gücünüz yoxdur. Sənin burada artıq səlahiyyətin yoxdur. Və bu gün ölkənin hazırkı hökumətinin danışıq masalarının heç birində deyə biləcəyi heç nə yoxdur", - o tələb edib.

Müxalifət lideri baş naziri Ermənistanın təhlükəsizlik sistemini, təhsil sistemini məhv etməkdə, kilsəni hədəfə çevirməkdə, "erməni soyqırımı" faktını inkar etməkdə və "Artsax" itirməkdə ittiham edib.

Və bu gün ölkənin hazırkı hökumətinin “danışıq masalarının heç birində deyəcək heç nə yoxdur”.

Məlumata görə, aksiya iştirakçılarının sayı on minlərlədir. Sonuncu dəfə ölkədə belə irimiqyaslı tədbirlər yalnız 2018-ci ildə baş nazir Sarkisyanın devrilməsi ilə baş tutub və bu, Paşinyanı hakimiyyətə gətirib.

Hüseyn İbadlı