Müxalifət parlamentdə Paşinyanın impiçmentinə başlayır

"Ermənistanda müxalifət baş nazir Nikol Paşinyanın istefa tələbinə cavab verməməsindən sonra parlamentdə onun impiçmenti proseduruna başlayır".

Publika.az TASS-a istinadla xəbər verir ki, bunu Ermənistanın "Vətən uğrunda Tavuş" müxalifət hərəkatının lideri, arxiyepiskop Baqrat Qalstanyanın İrəvanda Respublika Meydanında minlərlə insanın iştirakı ilə keçirilən mitinqdə deyib ki

Baqratın sözlərinə görə, impiçment prosedurunu müxalifət başladı və bu məsələ ilə bağlı hər üç parlament fraksiyaları ilə məsləhətləşmələr aparılacaq.

O əlavə edib ki, vətəndaş itaətsizliyi aksiyaları paralel olaraq keçiriləcək.

Bundan əvvəl məlum olub ki, Ermənistanın baş naziri Nikol Paşinyan "Vətən uğrunda Tavuş" müxalifət hərəkatının lideri arxiyepiskop Baqratın bir saat ərzində istefa verməsi tələbinə cavab verməyib. Hazırda İrəvanda Respublika Meydanında minlərlə insan mitinq keçirir.

Qeyd edək ki, mayın 9-da “Vətən uğrunda Tavuş” hərəkatının bir neçə min tərəfdarı Respublika meydanına toplaşıb. Onlar Ermənistan hakimiyyətinin Azərbaycanla sərhədin delimitasiyası ilə bağlı qərarına etiraz edirlər . Meydanın yaxınlığına polis və xüsusi texnika yeridilib.

Hüseyn İbadlı