Cənubi Qafqaz

Daha bir ERMƏNİ XİSLƏTİ: Azərbaycana qaytarılan kəndin altını üstünə çevirirlər - VİDEO

23 May 2024 20:12

Ermənistanda Azərbaycanla həmsərhəd Kirants kəndinin sakinləri kəndi qaytarmadan öncə əmlaklarını məhv ediblər.

Publika.az xəbər verir ki, bu barədə “Vətən uğrunda Tavuş” müxalifət hərəkatı “Facebook”da yazır

“Kirants sakinləri ərazilərini təslim etməmişdən əvvəl əmlaklarını məhv edirlər”, – nəşr yazır.

Mayın 20-də Ermənistan polisi delimitasiya işlərinin aparıldığı Kirants yaxınlığında müxalifət fəallarına qarşı güc tətbiq edib . “Vətən uğrunda Tavuş” hərəkatının tərəfdarları polisdən jurnalistləri kəndə buraxmağı tələb ediblər. Hüquq-mühafizə orqanlarının əməkdaşları əvvəlcə bundan imtina edib, sonra isə müxalifətçilərə qarşı güc tətbiq etməyə başlayıblar.

Bir gün əvvəl polis Kirantsın girişini bağlayıb. Sakinlərə dəstək olmaq üçün kəndə gələn 6 müxalifət deputatın kəndə girişinə icazə verilməyib.

Hüseyn İbadlı