Cənubi Qafqaz

"Paşinyanın legitimliyi bitdi" - Qalstanyan onunla görüşə hazırlaşır

26 May 2024 20:24

"Vətən naminə Tavuş” müxalifət hərəkatının lideri, Ermənistanın baş naziri postuna namizədliyi irəli sürülən arxiyepiskop Baqrat Qalstanyan bildirib ki, mitinqdən sonra o, hökumət bağ evlərinə getməyi və Nikol Paşinyanla görüşməyi planlaşdırır.

Publika.az xəbər verir ki, onun sözlərinə istinadla TASS məlumat yayıb.

Qalstanyan Paşinyanı görüşə dəvət edərək, onun legitimliyinin bitdiyini bildirib. Bundan başqa, o, bəyan edib ki, Paşinyanın mənəvi legitimliyi də yoxdur.

Mayın 25-i günortadan sonra “Vətən adına Tavuş” hərəkatının liderlərindən biri Qurgen Melikyan hərəkatın Ermənistanın baş naziri vəzifəsinə Baqrat Qalstanyanın namizədliyini irəli sürdüyünü açıqlayıb.

Mayın 22-də Ermənistanın baş naziri Nikol Paşinyan müxalifət hərəkatının mitinqləri fonunda erməni apostol kilsəsinin Bizans dövründən “təsir agenti” olduğunu bildirib .

Hüseyn İbadlı