Ermənistanda təbii fəlakət qurbanlarının SAYI ARTDI

Xəbər verdiyimiz kimi, Ermənistanın Lori rayonunda Debed və Aqstev çaylarının məcrasından çıxması nəticəsində yüzlərlə insanın evi su altında qalıb.

Publika.az "Hraparak"a istinadla xəbər verir ki, saat 19:30-a olan məlumata əsasən, axtarış-xilasetmə və təxirəsalınmaz qəza-bərpa işləri davam etdirilir.

Bildirilib ki, xilasedicilər və digər cəlb olunmuş qüvvələr tərəfindən Lori və Tavuş vilayətlərində müxtəlif yaşayış məntəqələrindən 190 nəfər təxliyə, 75 nəfər isə xilas edilib (Loridə 223, Tavuşda 42 nəfər).

Son məlumata görə, fəlakət zonasında ölənlərin sayı üçə çatıb. Xilasedicilər naməlum vətəndaşın meyitini Sənahin körpüsünün yaxınlığından çıxarıblar. Haqtanak qəsəbə sakini, 1948-ci il təvəllüdlü Avaq Avaqyanın meyiti Ptqavan qəsəbəsinin futbol meydançasının yaxınlığından çaydan çıxarılıb. 1985-ci il təvəllüdlü Sarıbek Balyanın meyiti Şnoq kəndi yaxınlığından çaydan çıxarılıb.

Tavuş vilayətində 2 körpü uçub, 1-i zədələnib, 3 yaşayış evi uçub, 45 ev, 2 mehmanxana, 18 ictimai və digər obyektlər su altında qalıb.

Hüseyn İbadlı