Cənubi Qafqaz

İrəvandan Moskvaya gizli zərbə: Zəngəzurda geosiyasi mübarizə qızışır - VİDEO

25 İyun 2024 15:06

Ermənistan hakimiyyəti Rusiyanın Qafanda konsulluq açmaq istəyinin qarşısını alır.

Publika.az xəbər verir ki, bu barədə Ermənistan mediası yazıb.

“Hraparak” nəşri mənbələrinə istinadən qeyd edir ki, Rusiya konsulluq açmaq istəyini rəsmi şəkildə bildirib: “Bundan sonra Qafanda konsulluq üçün yer də ayrılıb, lakin müxtəlif yollarla məsələ uzadılır, gizli şəkildə maneələr yaradılır. Bu məqsədlə Qafan camaatının etirazını formalaşdırmağa çalışırlar. Hakim partiyanın deputatı Marina Qazaryan bu prosesdə aktiv rol oynayır. O, hətta Qafan camaatı adından Xarici İşlər Nazirliyinə etiraz məktubu hazırlayıb, yerli camaatın məktubu imzalaması təşəbbüsü ilə çıxış edib”.

Qeyd edək ki, Rusiya xarici işlər nazirinin müavini Yevgeni İvanov yaxın vaxtlarda Qafanda konsulluq açacaqlarını bildirmişdi. Hazırda Qafanda İranın konsulluğu fəaliyyət göstərir. Rusiyanın da analoji addım atmaq istəyi Zəngəzur bölgəsində Qərblə geosiyasi mübarizədən qaynaqlanır.

Asif