Gürcüstan növbəti "rəngli inqilab"ın astanasında: 2 ay sonra... - Şok ssenari

ABŞ oktyabr seçkiləri ərəfəsində Gürcüstandakı vəziyyətdən son dərəcə narazıdır və ölkədə rəngli inqilab hazırlayır.

Publika.az xəbər verir ki, bu barədə Rusiya Xarici Kəşfiyyat Xidməti məlumat yayıb.

“Gürcüstanın qərbyönlü QHT-ləri səsverməni izləmək üçün çoxlu sayda insanı işə cəlb etməyə çalışır. Daha sonra onlar seçki saxtakarlığına dair iddia edilən sübutları dərc etməyi, nəticələrin tanınmadığını elan etməyi və hökumətin dəyişdirilməsini tələb etməyi planlaşdırırlar. Etirazları zorla yatırmaq üçün hüquq-mühafizə orqanlarının əməkdaşları təxribatlara məruz qalacaqlar. ABŞ-da isə Gürcüstanın “mülki vətəndaşlarına” qarşı “həddindən artıq” güc tətbiqinə “amansız” siyasi və iqtisadi cavab variantları barədə əvvəlcədən düşünürlər”, - məlumatda deyilir

Qeyd edək ki, Gürcüstanda parlament seçkiləri oktyabrın 26-da keçiriləcək. Hakim “Gürcü arzusu” konstitusiya çoxluğu əldə etmək niyyətindədir. ABŞ vaxtaşırı bunun qəbuledilməz olduğu barədə bəyanatlar verir və bununla əlaqədar həm ABŞ, həm də Aİ Gürcüstan hökumətinə ayrılan vəsaitləri qeyri-hökumət təşkilatlarına yönləndirirlər.

Akqabay