Paşinyan BMT-də SÜLHDƏN DANIŞDI: "Nəinki mümkündür, hətta..."

"Ermənistanla Azərbaycan arasında sülh nəinki mümkündür, hətta əlçatandır".

Publika.az xəbər verir ki, bunu Ermənistanın Baş naziri Nikol Paşinyan BMT Baş Assambleyasında çıxışı zamanı deyib.

"Ən son, 2024-cü ildə. Avqustun 30-da Ermənistan və Azərbaycan iki ölkənin sərhəd demarkasiyası komissiyalarının birgə fəaliyyəti haqqında Əsasnamə imzalayıblar, bu, ilk ikitərəfli hüquqi sazişdir. De-yure bir daha təsdiqlənir ki, iki ölkənin bir-birlərinə heç bir ərazi iddiası yoxdur, növbəti addım sülhün və dövlətlərarası münasibətlərin yaradılması haqqında sazişin imzalanmasıdır. Azərbaycan Prezidenti və mən dəfələrlə bildirmişik ki, sözügedən sazişin ən azı 80 faizi razılaşdırılıb, indi bu tarixi fürsətdən yararlanmaq və dalana dirənmək riskindən qaçmaq üçün Ermənistan Respublikası artıq razılaşdırılmış şeyi götürməyi təklif edir: nə artıq razılaşdırılıbsa, imzalansın, sülh müqaviləsi olsun, sonra qalan məsələlər üzrə danışıqları davam etdirək. Biz bunu indi etməyə hazırıq", - Paşinyan bildirib.

Baş nazirin sözlərinə görə, elə bir presedent yoxdur ki, sülh və ya hər hansı digər müqavilə hər şeyi həll etsin, bütün məsələləri həll etsin:

"Bu, praktikada da mümkün deyil, istənilən iki ölkənin məhz bu səbəbdən hər hansı müqavilə imzalandıqdan sonra yeni müqavilələrə və razılaşmalara ehtiyacı var"․

"Bir çox mühüm məsələlər hələ də həll edilməlidir. Ermənistan və Azərbaycanın timsalında razılaşdırılmış maddələr mahiyyətcə sülh, bir-birindən ərazi tələblərinin olmaması və gələcəkdə belə tələblərin irəli sürülməməsi, diplomatik münasibətlərin qurulması ilə bağlı müddəaları ehtiva edir", - Ermənistan lideir qeyd edib.

Hüseyn İbadlı