Gürcü xüsusi təyinatlılar HƏRƏKƏTƏ KEÇDİ: - Həbs dalğası başladı

Tbilisidə xüsusi təyinatlılar Gürcüstan parlamentinin binası yaxınlığında hökumət əleyhinə aksiyanın iştirakçılarını saxlamağa başlayıblar.

Publika.az xəbər verir ki, bu barədə "RİA Novosti" məlumat yayıb.

Qeyd edilib ki, nümayişçilər təhlükəsizlik qüvvələrinin nümayəndələri ilə mübarizə aparmağa çalışaraq pirotexniki məhsullardan istifadə edirlər.

Bundan bir qədər əvvəl Gürcüstan Daxili İşlər Nazirliyi mitinq iştirakçılarının etirazının qanundan kənara çıxdığını və zorakılığa çevrildiyini vurğulamışdı. Xüsusilə də nümayişçilər parlament binasında yanğın törədiblər .

Noyabrın 28-dən Tbilisidə və Gürcüstanın digər şəhərlərində hakimiyyət ölkənin 2028-ci ilə qədər Avropa İttifaqına daxil olması ilə bağlı danışıqları dayandırdığını elan etdikdən sonra etiraz aksiyaları keçirilir.

Respublikanın baş naziri İrakli Kobaxidzenin sözlərinə görə, bu qərar, qrant və kreditlərdən şantaj vasitəsi kimi istifadə edən avropalı siyasətçilərin qəbuledilməz hərəkətləri ilə diktə edilib. O, həmçinin Avropa Parlamentini Gürcüstana qarşı “illər boyu təhqirlərə” görə tənqid edib.

Hüseyn İbadlı