Cənubi Qafqaz

Tbilisidə fotoqrafın ayağının altında fişəng partladı

1 Dekabr 2024 09:36

Gürcüstanın Birinci Kanalının fotomüxbiri İrakli Gedenidze ölkə parlamentinin binası yaxınlığında hökumət əleyhinə keçirilən aksiyanın dağıdılması nəticəsində yaralanıb.

Publika.az xəbər verir ki, bu barədə kanalın saytında məlumat verilib.

“İrakli Gedenidze yaralanan zaman Tbilisi Marriott otelinin yaxınlığında işləyirdi. Çox güman ki, ayağına pirotexniki vasitələr dəyib”, - telekanl bildirib.

İ.Gedenidze isə deyib ki, ayağının altında fişəng partlayıb.

Fotoqrafa təcili tibbi yardım briqadası kömək edib. Hazırda vəziyyəti qənaətbəxş qiymətləndirilir, o, fəaliyyətini davam etdirir”, - deyə telekanal əlavə edib.

Gürcüstan Daxili İşlər Nazirliyi mitinq iştirakçılarının etirazının qanundan kənara çıxdığını və zorakılığa çevrildiyini vurğulayıb. Xüsusilə, etirazçılar parlament binasında yanğın başlayıb, həmçinin xüsusi təyinatlıların zabitlərinə fişənglər atıblar.

Hüseyn İbadlı