Tbilisidə etirazçılar yolu bağladılar - VİDEO
Bizi izləyin
Aptekonline

Cənubi Qafqaz

Tbilisidə etirazçılar yolu bağladılar - VİDEO

Tbilisidə etirazçılar yolu bağladılar - VİDEO

Noyabrın 30-dan Gürcüstanın paytaxtı Tbilisidə keçirilən müxalifətin mitinqinin iştirakçıları Rustaveli prospektində dağıldıqdan sonra Tbilisi Dövlət Universitetinin qarşısındakı yolu bağlayıblar.

Publika.az xəbər verir ki, bu barədə "RİA Novosti" məlumat yayıb.

Qeyd edilib ki, noyabrın 30-da Gürcüstan parlamentinin yaxınlığında toplaşan müxalifət tərəfdarları təhlükəsizlik qüvvələri tərəfindən oradan geri qovulublar. Etirazçılar dekabrın 1-nə keçən gecəni Rustaveli prospektində keçiriblər və səhər saatlarında xüsusi təyinatlılar oradan çıxarıblar. Bundan sonra izdiham ali təhsil ocağına doğru hərəkət edib.

Xatırladaq ki, Gürcüstanda müxalifətin növbəti etiraz aksiyaları noyabrın 28-də ölkənin baş naziri İrakli Kobaxidzenin ölkənin 2028-ci ilə qədər Avropa İttifaqına üzvlüyü ilə bağlı danışıqların başlanmasına baxılmasının dayandırılması qərarını elan etməsindən sonra başlayıb.

Hüseyn İbadlı

Oxumağa davam et
Reklam
Reklam

Gündəm

Aptekonline