Cənubi Qafqaz

Avropadan Paşinyana verilən bahalı hədiyyə qalmaqal yaratdı - FOTO

17 Dekabr 2024 11:12

Noyabrın 26-da Ermənistana səfər edən Polşa prezidenti Anjey Duda erməni baş nazir Nikol Paşinyana bahalı qol düyməsi bağışlayıb.

Publika.az xəbər verir ki, bu barədə “Joxovurd” qəzeti yazıb.

Qəzet yazır ki, Korrupsiyaya Qarşı Mübarizə Komisiyasına təqdim edilən “dövlət vəzifəlilərinin və ya dövlət qulluqçularının hədiyyələrinin qeydiyyatı blankı”na əsasən Paşinyan Dudadan hədiyyə alıb. Hədiyyə 3 cür 925 əyarlı gümüş qol düyməsidir.

Zinət əşyalarının qiyməti 74 min 577 dram (200 dollara yaxın) olub. Ermənistan qanunvericiliyinə görə, hədiyyənin dəyəri 60 min dramdan çox olarsa, dövlət mülkyyəti sayılır.

Polşa prezidentinin Paşinyana verdiyi bu hədiyyələr həm Ermənistanda, həm Avropa İttifaqında müzakirələrə səbəb olub.

Asif