DƏHŞƏTLİ CİNAYƏT: 100-ə yaxın qadın "yumurta ferması"nda kölə saxlanılır - Onların yumurtalıqlarından...

Çinli cinayətkar qrup yumurta əldə etmək üçün istifadə edilən yüzə yaxın qadını Tailanddan Gürcüstana aparıb.

Publika.az xəbər verir ki, bu barədə "Nation Thailand" məlumat yayıb.

"Pavena Foundation" hüquq müdafiə təşkilatının əməkdaşlarının bildirdiyinə görə, bütün qurbanlar surroqat analıq elanlarına cavab veriblər, onlara rəsmi şərtlər və sənədlər və səyahət üçün bütün xərclərin ödəniləcəyi vəd edilib.

Zərərçəkənlərdən birinin dediyinə görə, o, daha 10 qadın və qrup rəhbəri ilə Gürcüstana gedib. Onlar Dubay və Ermənistan vasitəsilə ölkəyə daxil olub, orada bir neçə gün qalıblar. Bir dəfə Gürcüstanda onların pasportları əlindən alınıb və onları “yumurta ferması”nda işləməyə məcbur ediblər.

Çinli mütəşəkkil cinayət qrupunun nəzarəti altında qadınlar hormonal dərmanlar qəbul edərək sağlamlıqlarını riskə atan prosedurlardan keçiblər. Hər ay qurbanların yumurtalıqlarından yetkin yumurtalar çıxarılıb.

Qadınlar 70 min baht (təxminən 2920 AZN) ödəməklə azad ola bilərdilər, lakin çoxlarının belə pulu olmayıb.

Zərərçəkənlərdən biri məbləği ödədikdən sonra oranı tərk edə bilib. Daha sonra daha bir neçə qadın özlərini azad edə biliblər. Onların sözlərinə görə, “yumurta ferması”nda hələ də xeyli əsir qalıb.

Hüseyn İbadlı