Cənubi Qafqaz

Mask Ermənistanı sürətli internetlə təmin etdi

27 Mart 2025 22:36

""Starlink" rəsmi olaraq Ermənistandadır".

Publika.az xəbər verir ki, bu barədə öz "Facebook" səhifəsində ölkənin nəqliyyat və infrastruktur naziri Mxitar Ayrapetyan yazıb.

"Şəhərlərdən ən ucqar kəndlərə və əlçatmaz rayonlara sürətli, etibarlı peyk interneti təmin edən "Starlink" xidmətlərinin artıq Ermənistanda mövcud olduğunu bildirməkdən məmnunuq. Bu mühüm addım Ermənistan Yüksək Texnologiyalar Sənayesi Nazirliyinin, "Starlink" şirkətinin və dövlət tərəfdaşlarının birgə və fədakar işi sayəsində mümkün olub.

Bu niyə vacibdir?

Təhlükəsiz, yüksək keyfiyyətli əlaqəni təmin edən rəqəmsal infrastrukturun yeni səviyyəsidir.

Dünyanın aparıcı xidmətlərinə çıxış əldə edirik

Yerindən asılı olmayaraq hər kəs üçün yeni ünsiyyət imkanları: növbəti nəsil internet artıq Ermənistandadır", - nazir yazıb.

Xatırladaq ki, “Starlink” peykləri amerikalı milyarder İlon Maskın sahibi olduğu “SpaceX” şirkətinə məxsusdur.

Hüseyn İbadlı