Cənubi Qafqaz

Paşinyana alma atmış Qarabağ sakini ilə bağlı YENİ XƏBƏR

16 Aprel 2025 02:42

Ermənistan Prokurorluğu Nikol Paşinyana alma atmaqda təqsirləndirilən Qarabağ sakini, 71 yaşlı Albert Arstamyana bəraət verilməsi ilə bağlı məhkəmənin qərarından apellyasiya şikayəti verəcək.

Publika.az Teleqraf-a istinadla xəbər verir ki, məlumatı qurumun İctimaiyyətlə Əlaqələr İdarəsinin rəisi Arevik Xaçatryan NEWS.am-a müsahibəsində təsdiqləyib.

O bildirib ki, məhkəmə aktı daxil olduqdan sonra apellyasiya şikayəti veriləcək.

Xatırladaq ki, aprelin 11-də İrəvan Birinci İnstansiya Məhkəməsi Paşinyana alma atan 71 yaşlı Qarabağ ermənisinin işi üzrə bəraət hökmü çıxarıb.

Avqustun 23-də axşam saatlarında Ermənistanın baş naziri Nikol Paşinyan xalası və qızına baş çəkmək üçün Kanaker-Zeytun inzibati dairəsinin Rubinyans 2/2 ünvanına gedib. Görüşdən sonra o, binadan çıxarkən vətəndaşlardan biri Paşinyana üzbəüz binanın 9-cu mərtəbəsindən ona alma atıb.