Çin 9 aydan sonra səfirini Ermənistana göndərdi

Çinin yeni səfiri Li Sinvey İrəvana gəlib.

Publika.az xəbər ki, bu barədə Çinin Ermənistandakı səfirliyi məlumat yayıb.

Çin diplomatik missiyasının əvvəlki rəhbəri Fan Yonq missiyasını 2024-cü il iyulun 11-də başa vurub.

Səfirliyin bəyanatında deyilir ki, Çin tərəfi siyasi etimadın daha da dərinləşdirilməsi, qarşılıqlı faydalı əməkdaşlığın fəal şəkildə genişləndirilməsi və Çin-Ermənistan münasibətlərinin daha da yüksək və sürətli səviyyəyə yüksəldilməsi üçün Ermənistan tərəfi ilə birgə işləməyə hazırdır.

"Çin və Ermənistan səmimi və etibarlı dostlar, eləcə də qarşılıqlı faydalı əməkdaşlığa can atan tərəfdaşlardır. Diplomatik münasibətlərin qurulmasından keçən 33 il ərzində ikitərəfli dostluq davamlı və davamlı şəkildə inkişaf edib və müxtəlif sahələrdə əməkdaşlıq yeni nəticələr verib", - məlumatda vurğulanıb.

Bundan əvvəl Çinin müvəqqəti işlər vəkili Çen Minq Çinin tezliklə Ermənistana yeni səfir təyin edəcəyini bildirmişdi. Çinin 9 aydır yeni səfir təyin etməməsi Ermənistanın siyasi müstəvisində xeyli suallar yaradıb. Ekspertlər bunu Ermənistan hakimiyyətinə mesaj kimi qiymətləndiriblər.