Paşinyan Moskvaya gedir - Əliyevlə pərdəarxası görüş olacaq?

Ermənistanın baş naziri Nikol Paşinyan mayın 9-da Moskvada keçiriləcək İkinci Dünya müharibəsində qələbənin 80 illiyinə həsr olunmuş hərbi paradda iştirak edəcək. Martın 14-də Kreml Paşinyanın Rusiya prezidenti Vladimir Putinlə telefon danışığı haqda yaydığı məlumatda erməni baş nazirin paradda iştirak edəcəyini təsdiqlədiyini bildirmişdi.

Publika.az xəbər verir ki, Ermənistan mediası Paşinyanın səfərinin təfərrüatını öyrənmək üçün baş nazirin aparatına sorğu göndərib.

- Paşinyanın səfəri bir günlükdür, yoxsa gecəni Moskvada qalacaq?
- Paşinyanın səfəri zamanı kimlərlə görüş planlaşdırılır?
- Moskvada Paşinyan-Əliyev-Putin formatında üçtərəfli görüş keçiriləcək, yoxsa erməni baş nazir Əliyevlə təkbətək müzakirələr aparacaq?

Ermənistan baş nazirinin aparatı sorğunu cavablandırmaqdan imtina edib.

“Joxovurd” qəzeti isə Paşinyanın Moskvada gecələməyə hazırlaşdığını və xarici siyasət məsələlərini pərdəarxası müzakirələrdə həll etməyə çalışacağını yazır. Erməni baş nazir Rusiyanın etimadını yenidən qazanmağa səy göstərəcək.

Asif