Lavrovu Nəsirzadə ilə SƏHV SALDILAR - İrəvanda “etirazla” qarşılandı

Ermənistanda Rusiya əleyhinə marginal “Respublika Uğrunda” partiyasının nümayəndələri səhvən İranın müdafiə naziri Əziz Nəsirzadənin kortejini Rusiyanın xarici işlər naziri Sergey Lavrovun nümayəndə heyəti ilə səhv salaraq ona qarşı “etiraz” aksiyası keçiriblər.

Publika.az xəbər verir ki, bu barədə TASS məlumat yayıb.

Agentlik qeyd edib ki, Nəsirzadənin korteji keçərkən anti-Rusiya fəalları təxribat xarakterli plakatlar tutublar. Üstəlik, “Respublika Uğrunda” partiyası ilə əlaqəli mənbələrdən birində bu hadisənin videoyazısına başlıq əlavə olunub: "Lavrov İrəvanda etirazla qarşılanıb".

Agentlik həmin vaxt xarici işlər nazirinin hələ Ermənistanın paytaxtına gəlmədiyini vurğulayıb.

Bir gün əvvəl Lavrovun Ermənistanın xarici işlər naziri Ararat Mirzoyanla danışıqlar aparacağı , respublikanın baş naziri Nikol Paşinyan, həmçinin ölkə prezidenti Vaaqn Xaçaturyanla görüşəcəyi bildirilirdi.

Lavrovun Rusiya-Ermənistan Universitetində Rusiya universitetlərinin filiallarının müəllim və tələbələri və ekspert icması qarşısında çıxışı, həmçinin Rus Evində həmvətənləri ilə görüşü gözlənilir.

Hüseyn İbadlı