Cənubi Qafqaz

Gürcüstanda müxalifət lideri saxlanıldı

30 May 2025 06:46

Mayın 29-u axşam Gürcüstan polisi Tbilisidə müxalif siyasətçi Nika Melianı saxlayıb.

Publika.az xəbər verir ki, bu barədə onun vəkili Giorgi Kondaxişvili məlumat verib.

O bildirib ki, Melian müxalifət partiyası olan "Dəyişikliklər üçün Koalisiya"nın liderlərindən biridir.

"Meliaya qarşı hələlik rəsmi ittiham irəli sürülməyib. O, öz avtomobilində sürücü və mühafizəçinin iştirakı ilə saxlanılıb. Bu saxlanmanı adam oğurluğu kimi qiymətləndirirəm", - vəkil siyasətçinin saxlanmasını şərh edib.

Kondaxişvili Melianın saxlanmasını ona qarşı cümə günü, mayın 30-da keçiriləcək məhkəmə prosesi ilə əlaqələndirib. Məhkəmədə o, “Parlamentin müvəqqəti istintaq komissiyası ilə əməkdaşlıqdan imtina” maddəsi ilə ittiham olunacaq. Bu maddəyə əsasən, onu bir ilə qədər həbs gözləyir.

May ayının əvvəlində bu maddəyə əsasən Gürcüstan polisi keçmiş müdafiə naziri İrakli Okruaşvili və müxalifət partiyasının lideri Girçi Zurab Caparidzeni də həbs etmişdi.

Hüseyn İbadlı