Paşinyanın BAŞI DƏRDDƏ - Baş prokurordan cinayət işinin açılmasını istədilər

“Hayakve” təşəbbüs qrupu Ermənistanın baş prokuroru Anna Vardapetyana müraciət göndərərək, respublikanın baş naziri Nikol Paşinyana qarşı təhqir və Erməni Apostol Kilsəsinin (ÜAK) işlərinə müdaxilə etdiyinə görə cinayət işinin başlanmasına çağırıb.

Publika.az xəbər verir ki, bu barədə ictimai xadim Avetik Çalabyan təşəbbüsün "Facebook" səhifəsində canlı yayımda məlumat verib.

"Biz Ermənistanın baş prokuroru Anna Vardapetyanın diqqətini Paşinyanın bizim nöqteyi-nəzərimizdən ÜAK-ın daxili işlərinə dövlət müdaxiləsi ilə mütənasib olan hərəkətlərinə cəlb etmək istərdik. Ermənistan Konstitusiyası dövlətin erməni kilsəsinin və ya hər hansı digər dini təşkilatın işlərinə qarışmamasına təminat verir", - o deyib.

Çalabyan əlavə edib ki, bu fonda Paşinyanın paylaşımlarının Ermənistan Konstitusiyasına uyğunluğunu araşdırmaq üçün cinayət işi başlamaq lazımdır.

Təşəbbüsdə qeyd olunub ki, Ermənistan Konstitusiyasının 17-ci maddəsi ölkədəki bütün dini qurumların azad fəaliyyətinə təminat verir. Bundan əlavə, sənəddə qeyd olunur ki, bu azadlığa dövlət təminat verir və onların fəaliyyətinə heç bir şəkildə müdaxilə etmək hüququ yoxdur.

Bundan əvvəl Erməni Apostol Kilsəsinin Sünik Yeparxiyasının rəhbəri, yepiskop Makar Akopyan bildirmişdi ki, Paşinyanın erməni kilsələrini “zibilxanalar”la müqayisə edən sözləri dövlət və kilsə arasında qarşılıqlı hörmətin əsaslarını sarsıdır, həmçinin cəmiyyətdəki mənəvi tarazlığı təhlükə altına alır.

Hüseyn İbadlı