Sarkisyanın partiyası Paşinyana rəqib tapdı: Onu baş nazir postuna namizəd seçdilər

Ermənistan Respublika Partiyası (ERP) Nikol Paşinyana qarşı impiçment prosesi çərçivəsində partiyanın sədr müavini Armen Aşotyanın baş nazir postuna namizədliyini irəli sürəcək.

Publika.az xəbər verir ki, bu barədə "Hraparak" qəzeti yazıb.

Bir gün əvvəl Ermənistanın keçmiş prezidenti Serj Sarkisyanın rəhbərlik etdiyi keçmiş hakim RPA parlamentin “Mənim şərəfim var” fraksiyasına (de-fakto onun fraksiyası) ölkənin baş naziri Nikol Paşinyana etimadsızlıq səsverməsinin keçirilməsi prosesinə başlamağı təklif edib.

Müxalifət deputatlarının hələ də baş nazir postuna namizəd irəli sürmədiyini nəzərə alan partiya kabinet rəhbəri vəzifəsinə Şuranın nümayəndəsinin irəli sürülməsini təklif edib. Qəzet yazır ki, yaxın günlərdə partiya RPA sədrinin müavini Armen Aşotyanın namizədliyini açıqlayacaq.

Nəşr qeyd edir ki, Ermənistan Milli Təhlükəsizlik Xidmətinin keçmiş rəhbəri Artur Vanetsyanın (o, RPA ilə "Mənim şərəfim var" blokunu yaradıb) adı əvvəllər hallanırdı, lakin sonradan partiya Aşotyanın namizədliyini irəli sürmək qərarına gəlib.

Ermənistan qanunlarına görə, impiçment prosesinə başlamaq üçün təşəbbüskarlar baş nazir postuna öz namizədlərini irəli sürməlidirlər. Ərizə 36 imza olduqda müzakirə oluna bilər. İki müxalifət fraksiyası ("Ermənistan" və "Mənim şərəfim var") birlikdə 34 deputat təşkil edir. Daha dördü müstəqil statusa malikdir. Hökumət başçısına etimad göstərməmək üçün 107 deputatdan azı 54-ü impiçmentə səs verməlidir.

Akqabay