Cənubi Qafqaz

Zurabişvili müxalifəti birləşməyə çağırdı

30 İyun 2025 01:41

Gürcüstanın keçmiş prezidenti Salome Zurabişvili Tbilisidə hökumət əleyhinə mitinqdə çıxış edərək müxalifəti birləşməyə çağırıb.

Publika.az xəbər verir ki, bu barədə "TV Pirveli" məlumat yayıb.

O qeyd edib ki, artıq yeddi aydır ki, Gürcüstanda etirazlar davam edir:

"Gürcüstan hakimiyyəti müxalifəti qorxuda bilmir və məğlubiyyətə məhkumdur.

Hökumət müxalifəti gözdən salmağa çalışır, lakin bütün müxalifət qüvvələri birliyi qoruyub saxlasa, bu, nəticə verməyəcək. Yalnız birlik sayəsində ölkə xilas ola bilər".

Xatırladaq ki, iyunun 24-də Tbilisi məhkəməsi Gürcüstanın keçmiş prezidenti Mixeil Saakaşvilinin hakimiyyəti dövründə (2004-2013) cinayətləri araşdıran parlament komissiyasının iclasına gəlmədiyi üçün müxalifətdə olan “Strategiya Aqmaşenebeli” partiyasının lideri Giorgi Vaşadzeni 7 ay müddətinə azadlıqdan məhrum edib.

Hüseyn İbadlı