Seyran Ohanyana qarşı cinayət işi açıldı - YENİLƏNDİ

İstintaq Komitəsi Ermənistan parlamentində müxalifətçi "Ermənistan" fraksiyasının rəhbəri, keçmiş müdafiə naziri Seyran Ohanyana qarşı cinayət işi açıb.

Publika.az xəbər verir ki, bu barədə News.am portalı məlumat yayıb.

“Onun barəsində həbs-qətimkan tədbiri qismində şəhəri tərk etməmək barədə yazılı iltizam seçilib”, - deyə idarədən bildirilib.

Müxalifət liderinin vəzifə səlahiyyətlərindən sui-istifadə, rüşvətxorluq, çirkli pulların yuyulması və gəlir bəyannaməsində yalan məlumatlar təqdim etməkdə ittiham olunduğu bildirilir.

Oqanyan ifadə verməkdən imtina edib.

xxx

18:40

Ermənistan parlamentində müxalifətçi "Ermənistan" fraksiyasının rəhbəri, keçmiş müdafiə naziri Seyran Ohanyan İstintaq Komitəsində dindirilir.

Publika.az xəbər verir ki, bu barədə Ermənistan KİV-i məlumat yayıb.

S.Ohanyan 2010-2015-ci illərdə dövlət mülkiyyətində olan torpaq sahəsini qanunsuz olaraq mənimsəmə ilə bağlı cinayət işi çərçivəsində çağırılıb.

Ötən gün parlament S.Ohanyanın deputat toxunulmazlığının ləğv edilməsinə səs verib.

Hüseyn İbadlı