Bakı 2015
Əbdül Mahmudbəyli: “Bütün dünyanın gözü bizə dikiləcək”
Tanınmış kinorejissor Əbdül Mahmudbəyli Azərbaycanda keçirilən “Bakı 2015” Avropa Oyunlarının əhəmiyyətindən danışıb.
Publika.az-a açıqlama verən rejissor Avropa Oyunlarının Azərbaycanın dünya ölkələri sırasında yerini, mövqeyini daha da möhkəmləndirəcəyini bildirib: “Dünya ölkələri Azərbaycanı bir daha yaxından tanımaq imkanı qazanacaq, ölkəmizin dünyada mövqeyi daha da möhkəmlənəcək”.
Rejissorun fikrincə, bu yarışların Azərbaycan üçün əhəmiyyətini hər kəs dərk edir:
“Dünya səviyyəli bir yarışmanın ilk dəfə ölkəmizdə keçirilməsi xalqımız üçün qürurverici hadisədir. Tarixən Azərbaycan xalqı öz qonaqpərvərliyi, mədəniyyəti, adət-ənənəsi, folkloru, tarixi abidələri, milli mətbəxi ilə fərqlənib və öyünüb. Bu gün əlimizə düşən bu fürsəti layiqincə dəyərləndirib öyündüyümüz hər nə varsa - mədəniyyətimizi, mətbəximizi, folklorumuzu, qonaqpərvərliyimizi nümayiş etdirməliyik. Axı bu, təkcə bir idman yarışışması deyil, eyni zamanda mədəniyyət hadisəsidir. Biz əcnəbi qonaqlar qarşısında mədəni və qonaqpərvər xalq olduğumuzu bir daha sübut etməliyik”.
Əbdül Mahmudbəyli onu da bildirib ki, dünyada ilk dəfə keçirilən bu beynəlxalq tədbir hələ neçə illər danışılacaq:
“Ölkəmizdə bu möhtəşəm tədbir keçirilən zaman bütün dünyanın gözü bizə dikiləcək, hər kəs Azərbaycandan danışacaq. Nəticədə beynəlxalq aləmdə nüfuzumuz daha da artacaq”.
Cəvahir
-
Magazin104:44
“Xəbəri eşidəndən ağlayıram” - Mehriban Xanlarova
-
Kriminal04:14
Ananın məşqçi ilə yaxın münasibəti oğlunun ölümü ilə sonlandı: dəhşətli qətlin PƏRDƏARXASI - VİDEO
-
Cənubi Qafqaz03:13
İrəvanda yük maşını etirazçılara ÇIRPILDI
-
ABŞ02:42
Bayden Trampın debat təklifinə CAVAB VERDİ
-
Magazin202:10
“Avroviziya-2024”ün bütün finalçıları məlum oldu
-
Sosial00:45
ƏDV qəbzləri ölüm saçır: mütəxəssisdən XƏBƏRDARLIQ - VİDEO
-
Qoroskop00:30
Günün ULDUZ FALI: ciddi məsələlərə toxunmaq olar
-
Magazin200:15
“Avroviziya-2024”ün ikinci yarımfinalı başladı - CANLI