• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

“Sağ sektor” lideri: “Biz qoyunlar deyilik ki...”

  • Dünya
  • 18 İyul 2015 03:15
  • 400 Baxış
“Sağ sektor” lideri: “Biz qoyunlar deyilik ki...”

Ukraynanın “Sağ sektor” təşkilatının lideri Dmitri Yaroş Mukaçevo şəhərində terrorçuluğa qarşı əməliyyat barədə Ukrayna Təhlükəsizlik Xidmətinin hazırladığı qərarı sərt formada tənqid edib.

Publika.az “RİA-Novosti” agentliyinə istinadən xəbər verir ki, Yaroş prezident Pyotr Poroşenko, hökumət və Ali Rada da daxil olmaqla bütün ölkə rəhbərliyinin istefa verməsini tələb edib.

“Görürəm ki, Ukrayna prezidenti, Ali Baş Komandan öz yerində deyil. O, dövlətə effektiv rəhbərlik edə bilmir. “Sağ sektor”un qurultayında da fikrimi səsləndirəcəyəm, artıq prezidentin və hökumətin istefası, həmçinin Ali Radanın buraxılması haqqında danışmaq lazımdır”. - Yaroş bildirib.

“Sağ sektor” lideri qeyd edbi ki, əgər Təhlükəsizlik Xidmətinin gücləri onun döyüşçülərinin mövqelərinə hücum edərsə, onlar müdafiə olunacaqlar: “Biz kəsilmək üçün aparılan qoyunlar deyilik. “Sağ sektor” güclərinin ləğvi yalnız Mukaşevoda olmayacaq. Onlar bizim bazalarımızı mühasirəyə alacalq, silahsızlaşmaya başlayacaqlar. Əlbəttə ki, biz müqavimət göstərəcəyik, buna şübhə yoxdur”.

Qeyd edək ki, Ukrayna Təhlükəsizlik Xidməti Mukaşevoda terrorçuluğa qarşı əməliyyatın keçirilməsi haqqında qərar hazırlayıb. Amma qərar hələ qəbul edilməyib.

Ömər Dağlı

Xəbər lenti

DAHA ÇOX XƏBƏR