• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Rasim Musabəyov: "Türkiyə müharibəni genişləndirir"

  • Dünya
  • 10 Avqust 2015 12:23
  • 937 Baxış
Rasim Musabəyov: "Türkiyə müharibəni genişləndirir"

“Türkiyə Silahlı Qüvvələri İŞİD və PKK-ya qarşı əməliyyatlara başlayandan sonra bəzi Qərb KİV-ləri Ankaraya israrla İŞİD-lə mübarizə aparmağı, PKK ilə razılığa gəlməyi məsləhət görürlər. Bu mövqeyi ikiüzlülük adlandırmamaq olmur”.

Publika.az xəbər verir ki, bu barədə Milli Məclisin deputatı, politoloq Rasim Musabəyov deyib.

Onun sözlərinə görə, türkiyə hökuməti PKK ilə problemin sülh yolu ilə həll olunması üçün Qərbin bütün tövsiyələrini praktiki olaraq reallaşdırdı: “Kürdlər barəsindəki bütün qadağalar ləğv olundu. Partiya liderləri seçkilərə buraxıldı. Ölkənin cənub-şərqində bələdiyyələrin çoxuna kürdlər rəhbərlik edir. İyunun 7-də keçirilən parlament seçkilərində kürd partiyası baryeri keçə bildi. Dil məhdudiyyəti aradan qaldırılıb, kürd dilində radioverilişlər yayımlanır. Bunun əvəzində PKK sülhə əməl etməli və silahı yerə qoymalı idi. Lakin bu baş vermədi. Suriyada və İraqda İŞİD-i bəhanə edən PKK Türkiyədə öz silahlı qruplaşmalarını buraxmadı. Hədəf aydındır: Türkiyə hökumətinə hərbi təzyiq imkanını saxlamaq. İş terrora çatanda və ölkənin ərazi bütövlüyünə təhlükə yarananda artıq buna göz yummaq olmazdı. Ankara İŞİD-lə yanaşı, PKK-nı da vurdu. Qərbin liberal dairələrinin birtərəfli fikirlərinin əksinə olaraq, Türkiyə kürdlərlə müharibə aparmır, onlarla birgə yaşamaq istəyir”.


Asif Nərimanlı

Xəbər lenti

DAHA ÇOX XƏBƏR