Dünya

Rusiya tarixçisi Putinin səhvini açıqladı: “Almanlar sağaldılar, amma...”

13 May 2016 16:22

“Rusiya prezidenti Vladimir Putin ukraynalılar və rusiyalıların bir xalq olduğunu iddia etməklə səhv edir”.

Publika.az xəbər verir ki, bunu “Online.ua” saytına müsahibəsində Rusiya tarixçisi Andrey Zubov bildirib.

“Ukraynalılar və rusiyalılar artıq bir neçə yüzillikdir ki, müxtəlif xalqlardır. Almaniyada nasizm dövründə hollandları almanlardan ayrı xalq kimi tanımırdılar. Bu imperiya xəstəliyidir, imperiya xalqlarına məxsus xəstəlikdir. Almanlar sağaldılar, amma rusiyalılarda bütün bunlar daha irəlidədir", – tarixçi qeyd edib.

Qeyd edək ki, Rusiya prezidenti Vladimir Putin ötən il Krımda milli ictimai birliklərin nümayəndələri ilə görüşdə ruslar və ukraynalıların vahid xalq olduğunu deyib.

Lakin onun bu bəyanatına Ukrayna prezidenti Pyotr Poroşenko sərt reaksiya verib.

“Bizim aramızda müharibə gedir. Avropaya üz tutan vahid Ukrayna xalqı və dərin böhranda olan rus xalqı var”, - Poroşenko ictimai xadimlərlə görüşdə söyləyib.

Ömər Dağlı