Macarıstanda seçkilərin qalibi bəlli oldu
Bizi izləyin
Kanon

Dünya

Macarıstanda seçkilərin qalibi bəlli oldu

Macarıstanda Orban seçkilərdə qələbə çalıb

Macarıstanın baş naziri Viktor Orban seçkilərdə qələbə qazandığını elan edib. Paytaxt Budapeştdə "Fidesz" Partiyasının tərəfdarları qarşısında çıxış edən Orban deyib ki, bu nəticə hökumətinin iş yerləri yaratmaq, ailələri dəstəkləmək və milli suverenlik uğrunda mübarizə aparmaq siyasətinin təsdiqidir. Publika.Az "Azadlıq radiosu"na istinadən xəbər verir ki, bülletenlərin 96 faizi sayılıb. "Fidesz" Macarıstanın 199 yerlik parlamentində 133 yeri qazana bilər, bu da növbəti hökuməti onun formalaşdıracağının təminatı deməkdir.

Orbanın partiyası üçdə iki çoxluğu qazanmaqla konstitusiyanı da dəyişdirə biləcək. Sosialistlərin rəhbərlik etdiyi solçu alyansı 38 yer, anti-semitizmdə ittiham olunan ifrat-sağçı Jobbik partiyası isə 23 yer qazana bilər.

Orban qeyri-provoslav siyasətinə görə Avropa Birliyi ilə toqquşub. Ancaq macarların çoxu kommunist idarəçiliyinə qarşı çıxan 50 yaşlı keçmiş dissidentə milli maraqlarının çempionu kimi baxırlar.

Oxumağa davam et
Reklam
Reklam

Gündəm

Kanon