• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

İran: “Bəşər Əsədin devrilməsinə imkan verməyəcəyik”

  • Dünya
  • 10 Oktyabr 2014 13:00
  • 973 Baxış
İran: “Bəşər Əsədin devrilməsinə imkan verməyəcəyik”

Suriya və İraqda baş verən hadisələrlə əlaqədar açıqlama verən İran Xarici İşlər nazirinin müavini Hüseyn Əmir Abdullahiyan bir sıra maraqlı açıqlamalar verib.

İranlı diplomat “Suriyaya girməmək məsələsində Türkiyəni xəbərdarlıq etdik” deyib.

Publika.az xəbər verir ki, İran Xarici İşlər nazirinin müavini Hüseyn Əmir Abdullahiyan Suriya prezidenti Bəşər Əsədin devrilməsinə imkan verməyəcəklərini açıqlayıb.

Bu məsələdə Türkiyəni xəbərdar elədik

Abdullahiyan bunları Orta Şərq strateji araşdırmalar mərkəzində “İraq və İŞİD-ə qarşı beynəlxalq ittifaq” mövzusunda təşkil edilən “İraq və İŞİD-ə qarşı beynəlxalq ittifaq” tədbirində qeyd edib. Nazir müavini İranın Əsədin devrilməsinə izn verməyəcəyini bildirərək bunları deyib: “ABŞ, İŞİD-ə hücum etməmişdən qabaq Bəşər Əsəd hökumətinin mərkəzlərinə hücum planlarının olmadığına dair İrana məlumat verib. Buna oxşar məlumatı rəsmi Şama da verib. Ancaq yenə də onlara güvənmirik. Buna görə hadisələri yaxından izləyirik. ABŞ və ya başqa bir qüvvə tərəfindən Suriyanın milli suverenliyinə qarşı yaradılacaq istənilən təhdidlər pis nəticə verəcək. Bu məsələdə Türkiyəni xəbərdarlıq elədik deyib”.

İran Kobani üçün hərəkətə keçdi

Abdullahiyan Kobanidə İranın kürdlərə də yardım üçün cəhdlər etdiyini deyib.

Yardımların nədən ibarət olduğu haqqında məlumat verməyən Abdullahiyan “Kobanidəki böhranın bitməsi üçün bölgə ölkələri ilə görüşlərimiz davam edir. Dostumuz Türkiyə ilə müzakirələr aparırıq. Türkiyənin suriyalı qaçqınların ölkələrin qayıtmaları üçün ciddi cəhdlər göstərəcəyini düşünürük” deyə o qeyd edib.

Vüsal Tağı

Xəbər lenti

DAHA ÇOX XƏBƏR