• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

“Qara qutu”lar pilotları günahsız çıxardı

  • Dünya
  • 23 Oktyabr 2014 17:40
  • 669 Baxış
“Qara qutu”lar pilotları günahsız çıxardı

Moskvanın “Vnukovo” hava limanında qəzaya uğrayan təyyarənin “qara qutu”larının oxunmasından sonra ilk məlumatlar açıqlanıb.

Publika.az-ın “İnterfaks” xəbər agentliiyinə istinadən verdiyi məlumata görə, ilkin araşdırmalar pilotların hərəkətlərində səhvlərin olmadığın ortaya çıxarıb.

Qəzanı araşdıran ekspertlər bildirib ki, qartəmizləyən maşınla toqquşmadan qaçmaq üçün pilotların heç bir şansı olmayıb. “Qara qutu”lardakı informasiyasının analizi göstərir ki, ekipaj təlimat üzrə hərəkət edib.

Xatırladaq ki, üç gün əvvəl Moskvanın Vnukova hava limanından Parisə uçmağa hazırlaşan “Falkon 300” tipli 4 nəfərlik Fransa təyyarəsi uçuş zolağında saatda 200 kilometr sürətlə hərəkət edərkən anidən qarşısına çıxan qar təmizləyən maşınla toqquşub.

“Total”a rəhbərlik edən 63 yaşlı Kristof de Marjeri və üç ekipaj üçün hadisə nəticəsində həlak olub.

Qəzadan sonra qartəmizləyən maşının sürücüsü Vladimir Martınenko saxlanılıb. Onun barəsində iki aylıq həbs qərarı verilib. İstintaqın məlumatına görə, qəza baş verən zaman Martınenko sərxoş olub.

V.Martınenkodan başqa “Vnukovo” aeroportunun aparıcı mühəndisi Vladimir Ledenev, uçuşların rəhbəri Roman Dunayev, dispetçer-stajor Svetlana Krivsun və dispetçer Aleksandr Kruqlov saxlanılıb.

“Vnukovo”nun baş direktoru Andrey Dyakov və onun müavini Sergey Solntsev postundan istefa verib. Aeroportun növbətiçi direktoru isə işdən kənarlaşdırılıb.

Ömər Dağlı

Xəbər lenti

DAHA ÇOX XƏBƏR