• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Pivə istehsalçısı Qandiyə görə üzr istədi

  • Dünya
  • 5 Yanvar 2015 18:25
  • 673 Baxış
Pivə istehsalçısı Qandiyə görə üzr istədi

ABŞ-ın pivə istehsalçısı olan “New England Brewing Company” şirkəti Hindistanın Heydərabad şəhər məhkəməsinin tələbini yerinə yetirib.

Publika.az-ın xarici mətbuata istinadən xəbər verir ki, Hindistanın mərhum siyasi lideri Mahatma Qandinin şəklini pivə qablarının üzərində yerləşdirən şirkət buna görə üzr istəyib.

Heydərabad şəhər məhkəməsi pivə şirkətinin “millətin mənəvi liderini” təhqir etdiyi qərarına gəlib və buna görə üzr istənilməsini tələb edib. Məhkəmə həmçinin bildirib ki, Qandinin şəklinin alkoqollu içkilərin üzərinə yerləşdirilməsinə görə məsuliyyət daşıyanlar hind qanunlarına uyğun olaraq cəzalandırılmalıdır.

Üzr istəməsinə baxmayaraq, üzərində Qandinin şəkillərinin olduğu pivə məhsullarının satışdan çıxarılıb-çıxarılmayacağı barədə heç nə deyilmir. Şirkətdən bildirilib ki, heç kəsi təhqir etmək fikrində olmayıblar, əksinə, “böyük insanı məşhur etmək” istəyiblər.

Qeyd edək ki, Qandi Hindistanın Britaniya müstəmləkəçiliyindən azad edilməsi hərəkatının əsas ideoloqlarından biri olub. Qandinin 1948-ci ildə öldürülməsindən bir neçə ay sonra Hindistan müstəqilliyə qovuşub.

Ömər Dağlı

Xəbər lenti

DAHA ÇOX XƏBƏR