Dünya
Yanukoviçin adamı Kiyevdə həbs edildi
Ukrayna Ali Radasının Regionlar Partiyasından olan keçmiş deputatı Mixail Çeçetov həbs edilib.
Publika.az “unian.net” saytına istinadən xəbər verir ki, Kiyevin Peçerski rayon məhkəməsi keçmiş deputat barəsində ikiaylıq həbs qəti-imkan tədbiri seçib.
Məhkəmə Çeçetovun 5 milyon qrivna qarşılığında azadlığa buraxıla biləcəyini bildirib. Keçmiş deputat isə onda bu qədər pulun olmadığını deyib.
Çeçetov sui-istifadədə və vəzifə saxtakarlığında ittiham edilir. O, 16 yanvar 2014-cü ildə parlamentdə səsvermə haqqında cinayət işinin əsas fiqurlarındandır. Belə ki, Çeçetov həmin vaxt Ali Radada “diktator qanunları” paketinin səsverməsində səsləri hesablayanlardan biri olub. O, səslərin hesablanması komissiyasının üzvü idi.
Çeçetov isə ittihamları qəbul etmir. “Mən səslərin hesablanması ilə məşğul olmurdum. Mən sadəcə artıq verilən səsləri protokollaşdırırdım”, - keçmiş deputat “Twitter”dəki mikrobloqunda yazıb.
Ötən ilin dekabrında Ukrayna Baş prokurorluğu Ali Radanın iki keçmiş deputatının axtarışını elan edib. Bunlar kommunist Vladimir Oleynik və Regionlar Partiyasının üzvü İqor Kaletnikadır. Onlar da ötən ilin 16 yanvar tarixində parlament səsverməsini saxtalaşdırmaqda ittiham olunurlar. Hesab edilir ki, Kaletnika və Oleynika hələ səsvermənin keçirilməsinə qədər protokolları doldurub.
Xatırladaq ki, “diktator qanunları” adlandırılan tənzimləmələr mitinqlərin keçirilməsi qaydalarını sərtləşdirir, ekstremist fəaliyyət üçün cinayət məsuliyyətini müəyyən edirdi. Sözügedən dəyişikliklər Maydan etirazların yeni mərhələsinin başlanmasına səbəb oldu və 6 günlük qanlı toqquşmalar Viktor Yanukoviçin qaçması ilə nəticələndi. On sonra isə qəbul edilmiş 12 qanundan 9-u ləğv edildi.
Ömər Dağlı
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR