Dünya
Gürcülər seçim qarşısında: “Qərb, yoxsa Rusiya”
“Gürcüstanın NATO və Avropa Birliyinə daxil olmaq cəhdləri müvəffəqiyyətsizliyə uğrayıb. Gürcülər artıq Qərblə Rusiya arasında seçim etməyi düşünür.
Publika.az xəbər verir ki, bu barədə Gürcüstanın Qərbdən gözləntilərini şərh edən “Financial Times” yazıb.
ABŞ nəşri hesab edir ki, Qərbin Gürcüstanla inteqrasiyaya daha az cəhd göstərməsi ölkə sakinlərində məyusluq doğurur. “Financial Times” xatırladır ki, NATO-nun ötən il Kardifdə keçirdiyi sammitdə Gürcüstana ittifaqa üzvlük üzrə İş Planı verilməyib. Bundan başqa, gürcülər Avropa Birliyi ilə assosiasiya sazişinin üstünlüklərini hiss etmirlər və Brüssel Gürcüstanla hələ viza rejimini sadələşdirmək niyyətində deyil.
Gürcü politoloq Eka Metrevelini qeyd edir ki, ölkə əhalisinində Qərblə bağlı yaranan məyusluq Rusiya təsirinin güclənməsinə gətirib çıxarır.
ABŞ Milli Demokratiya İnstitutunun (NDİ) keçirdiyi sorğunun nəticələrinə görə, Gürcüstan əhalisinin 31 faizi Avrasiya İqtisadi İttifaqına girişə üstünlük verir. Bu bir il əvvəlkindən iki dəfə çoxdur. Bundan başqa, “Financial Times” yazır ki, Ukraynadakı hadisələr Gürcüstan vətəndaşlarının Rusiyaya münasibətini dəyişdirib.
“Gürcülərin çoxu Avropanı zəif və qətiyyətsiz hesab edirlər. Amma Putin güclü insan kimi görünür. İnsanlar düşünürlər ki, Avpopa ölkəyə hansı xeyri verir? Hesab edirlər ki, Rusiyaya müqavimət göstərmək axmaqlıqdır”, - politoloq Qiya Nodiya vəziyyəti şərh edir.
Gürcüstan siyasətçiləri və ekspertlər ölkədə Rusiya tərəfdarı olan siyasi qrupların gücləndiyini qeyd edirlər. Onlardan biri “Avrasiya seçimi” koalisiyasıdır. Qeyri-hökumət təşkilatlarının bu koalisiyası təxminən 16 min insanı ətrafında birləşdirir. Analitiklərin fikrincə, rusmeylli partiyaların 2016-cı ildə parlament seçkilərində qələbə qazanacağı gözlənilməsə də, onlar nəzarətin tamamilə Qərb yönümlü partiyaların əllərinə keçməməsi üçün güclü azlıq formalaşdıracaqlar.
Ömər Dağlı
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR