İdman

Cüdoçularımızın növbəti uğursuzluğu

25 Avqust 2015 16:30

Qazaxıstanın Astana şəhərində cüdo üzrə keçirilən dünya çempionatının ikinci günündə ölkəmizi iki idmançı təmsil edib.

Publika.az xəbər verir ki, 66 kq çəki dərəcəsində mübarizə aparan Nicat Şıxəlizadə ilk iki görüşdə Mozambik və Kanada idmançılarını məğlub etsə də, 1/8 finalda italiyalı Elio Verdeyə məğlub olaraq mundialda mübarizəni dayandırıb. Digər idmançımız Hidayət Heydərov üçün də dünya çempionatı uğurlu olmayıb. İlk görüşündə Çin cüdoçusuna qalib gələn Hidayət sonra Almaniya nümayəndəsi Sebastyan Seydlyuya uduzub.

Qeyd edək ki, yarışa 6 idmançı ilə qatılan millimizin üzvləri Hüseyn Rəhimli (73 kq), Məmmədəli Mehdiyev (90 kq), Elmar Qasımov və Elxan Məmmədov (hər ikisi 100 kq) hələ mübarizəyə qoşulmayıb.