• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

“Baku Fires” ilk gündə məğlub oldu

  • İdman
  • 7 İyun 2014 05:47
  • 481 Baxış
“Baku Fires” ilk gündə məğlub oldu

İyunun 6-da “Sərhədçi” İdman Olimpiya Mərkəzində Dünya Boks Seriyası (WSB) Liqasının 2013\2014-cü il mövsümünün final mərhələsinin ilk görüşü keçirilib.

Həlledici mərhələdə Azərbaycanın “Baku Fires” komandası Kubanın “Cuba Domaderos” kollektivi ilə qarşılaşıb.

Turnirdə Məhəmməd Qurbanov (56 kq, “Baku Fires”) Norlan Yeraya, Heybətulla Hacəliyev (64 kq) Yasiner Toledoya qalib gəlib.

Məhəmməd İbiyev (49 kq, “Baku Fires”) Yosbani Veitaya, Xaybula Musalov (75 kq) Arlen Lopezə, Əbdülqədir Abdullayev (91 kq) isə Erislandi Savona məğlub olub.

Beləliklə, ilk görüş “Cuba Domaderos”un 3:2 hesablı qələbəsi ilə yekunlaşıb.

Komandalar arasında növbəti görüş iyunun 7-də “Sərhədçi” İdman Olimpiya Mərkəzində keçiriləcək.

Qeyd edək ki, iki görüşdən sonra qalib müəyyənləşməsə, 69 kiloqram çəki dərəcəsində Yevgeni Romaşkeviç (“Baku Fires”) ilə Arisnoidis Despaigne (“Cuba Domaderos”) arasında əlavə döyüş keçiriləcək.

Xəbər lenti

DAHA ÇOX XƏBƏR