İdman

Kolumbiyada futbol matəmi – 10 ölü, 34 yaralı

30 İyun 2014 18:27

Dünya çempionatının 1/8 final mərhələsində Uruqvaya qalib gələn Kolumbiyanın qələbəsi ölkədə ixtişaşa səbəb olub.

Publika.az xəbər verir ki, millinin tarixi qələbəsini bayram etmək üçün küçələrə axışan azarkeşlər özlərini olduqca aqressiv aparıblar. Nəticədə paytaxt Boqotoda fanatların hərəkətinə nəzarət etmək mümkünsüz olub. Bu da ixtişaşlara gətirib çıxarıb. İlkin məlumata görə, qarışıqlıq nəticəsində 10 nəfər ölüb, 34 nəfər isə ağır yaralanıb.

Qeyd edək ki, Kolumbiyanın Yunanıstan üzərində qələbəsindən (3:0) sonra da paytaxtda qarışıqlıq yaşanmışdı. Ancaq həmin vaxt ölüm hadisəsi olmamışdı.