"Qalatasaray"ın prezidentinin xanımı evə gəlmir

Türkiyənin "Qalatasaray" futbol klubunun prezidenti Ünal Aysalın yunan həyat yoldaşı Fani Aysal həftələrdir evə gəlmir.

Publika.az Türkiyənin "Sabah" qəzetinə istinadən xəbər verir ki, 2011-ci ildən "Qalatasaray"a başçılıq edən Ünal Aysalın özəl həyatında bir çox problemləri var.

Maqazin xəbərlərində yazılıb ki, 32 illik həyat yoldaşı Ahu Aysaldan boşanıb, Amerikada yenidən yunan həyat yoldaşı Fani xanımla ailə quran Ünal Aysalın evlilikləri üzərində qara buludlar dolanır. Fani xanımı Türkiyədə iki aydır nə görən olmuş, nə də eşidən. İki ay bundan əvvəl Mikonosda gəmi turunda tətil edənlər Aysal cütlüyünü görüb. Bildirilir ki, Fani Aysal qızı Alini də alıb beş-altı çantayla gəmidən ayrılıb. Həmin vaxt Fani xanımın Atinaya qohumlarını ziyarətə getdiyi qeyd olunub. Ancaq bəlli olur ki, Aysal cütlüyünün arasındakı gərginlik elə o zamandan başlayıb.

Türkiyə mətbuatı sual edir. Görəsən, "Qalatasaray"ın başçısı Ünal bəy həm Fani xanım ilə aralarındakı, həm də "Qalatasaray"dakı sıxıntılardan qurtula biləcəkmi?