Magazin1

Cabir İmanov ikinci dəfə evləndi - FOTOLAR

28 İyul 2015 13:15

“Bakılı oğlanlar” komandasının üzvü Cabir İmanov ikinci dəfə ailə qurub. Toy mərasimi dünən “Amburan Beach Club”-da baş tutub.

Lakin toy barədə informasiya və fotolar çox xəsisliklə paylaşılıb. Buna baxmayaraq, Publika.az Cabir İmanovun xanımının kimliyini müəyyənləşdirib. Belə ki, "şən oğlan" Zara Musayeva adlı gənc xanımla ailə qurub. Əldə etdiyimiz toy şəkillərindən görünür ki, gəlin həddən artıq cavandır. Onu da öyrənmişik ki, rəsmi nikahdan sonra gəlin öz soyadını da dəyişib. Nikah şəhadətnaməsində əksini tapan bu dəyişiklik gəlin Zara Musayevanın sosial şəbəkədəki səhifələrində də təsdiqlənib. Belə ki, o, soyadını dəyişərək "İmanova" olub. Lakin bəy - Cabir İmanov toyu barədə sosial şəbəkədə hər hansı status və ya şəkil paylaşmayıb.

Tanınmış aktyorun toyunda əməkdar artist Murad Dadaşov, Eyyub Yaqubov, aparıcı Mirsalam Mirsalamov, meyxanaçı Namiq Qaraçuxurlu, “Bakılı oğlanlar" komandasının üzvləri Bəhram Bağırzadə, Emil Abbasov, Xəyyam Nisanov və digərləri iştirak edib.

Xatırladaq ki, bu, C.İmanovun ikinci evliliyidir. Cabir İmanovun birinci evliliyindən iki övladı var.

Publika.az toydan maraqlı görüntüləri təqdim edir:

Fidan