• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Səfir ABŞ-ın Qarabağa ayırdığı yardımdan danışdı

  • Nida.az
  • 19 İyul 2015 23:20
  • 330 Baxış
Səfir ABŞ-ın Qarabağa ayırdığı yardımdan danışdı

ABŞ Senatının Təxsisatlar Komitəsinin ayırdığı maliyyə yardımı Dağlıq Qarabağ münaqişəsindən əziyyət çəkən insanlar üçün nəzərdə tutulub.

APA-nın verdiyi xəbərə görə, bunu ABŞ-ın Azərbaycandakı səfiri Robert Sekuta deyib.

Səfir Azərbaycana göstərilən yardımın 115 milyon ABŞ dollarına çatdığını qeyd edib: “Dağlıq Qarabağ münaqişəsinin mövcudluğu acınacaqlı faktdır. Yardım barədə isə onu bildirim ki, yardım bilavasitə Dağlıq Qarabağ münaqişəsindən əziyyət çəkən insanlar üçün nəzərdə tutulan bir vəsaitdir. Bizim münaqişə ilə bağlı fəaliyyətimiz iki istiqamətdədir. Onlardan biri bilavasitə münaqişədən əziyyət çəkən insanlara yardım göstərilməsidir. Digər istiqamətlə isə ATƏT-in Minsk Qrupunun amerikalı həmsədri Ceyms Uorlik məşğuldur. O, bu istiqamətdə çox fəal çalışır, bilavasitə Minsk Qrupu çərçivəsində iki dövlətin hökumətlərini bir araya gətirərək, münaqişəsinin sülh yolu ilə həllinə dair danışıqların həyata keçirilməsinə səy göstərir”.

Yardımların hansı meyarlar əsasında ayrılması və nə üçün regionun digər münaqişə zonalarına deyil, məhz Dağlıq Qarabağa ayrılması barədə suala cavab verən səfir bildirib ki, hər münaqişənin özünəməxsus xüsusiyyəti var:

“Məhz bu zəmində biz məsələlərə fərdi tərzdə yanaşırıq. Biz Gürcüstana yardımlar göstəririk, sadəcə bizim yanaşmamız fərqlidir. Eyni şəkildə biz Moldova, Afrika, Ukraynaya da yardımlar edirik”.

Xəbər lenti

DAHA ÇOX XƏBƏR