• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Məni nə tutublar, nə də ki yoxlayıblar - Əli Bayramov DANIŞDI

  • Nida.az
  • 30 İyun 2014 12:57
  • 954 Baxış
Məni nə tutublar, nə də ki yoxlayıblar - Əli Bayramov DANIŞDI

“Aqrolizinq” Açıq Səhmdar Cəmiyyətin (ASC) İdarə Heyətinin sabiq sədri Əli Bayramov son günlər mətbuatda korrupsiya ittihamı ilə haqqında yayılan məlumatlara münasibət bildirib.

Ə.Bayramov Publika.az-a açıqlamasında deyib ki, barəsində yayılan məlumatlar doğru deyil:

“Hamısı yalan yazılardır. Mən həbs edilməmişəm, məni kimsə yoxlamayıb, hazırda istirahət edirəm, hər şey yaxşıdır. Səhhətim də normaldır. İnşallah dincələndən sonra yenidən iş başına qayıda bilərəm. Mənim barəmdə guya yoxlamaların başlanılması və ölkədən qaçmağım barədə yazılan isə tam yalandır. Mənə iftira atırlar”.

Xatırladaq ki, “Aqrolizinq” Açıq Səhmdar Cəmiyyətinin Şəki rayon Regional Aqroservis və Təchizat bazasının müdiri tərəfindən yol verilmiş qanun pozuntuları ilə bağlı Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.

İstintaq zamanı Kənd Təsərrüfatı Nazirliyinin Şəki ərazi kənd təsərrüfatı idarəsinin rəisi Cavanşir Qurbanovun “Aqrolizinq” ASC-nin Şəki rayon Regional Aqroservis və Təchizat bazasının müdiri vəzifəsində işlədiyi dövrdə qulluq mövqeyindən sui-istifadə edib kənd təsərrüfatı məhsullarının istehsalçılarına güzəştli şərtlərlə satılması nəzərdə tutulan mineral gübrələri kənd təsərrüfatı məhsullarının istehsalı ilə məşğul olan ayrı-ayrı şəxslərin adlarına satılmasını rəsmiləşdirməklə digər fiziki və hüquqi şəxslərə sataraq əldə etdiyi 64 min manat məbləğində pulu mənimsəmə və israf etmə yolu ilə talamasında, həmçinin ayrı-ayrı fiziki və hüquqi şəxslərə satdığı 987 min 480 manat məbləğində mineral gübrələrin dəyərinin dövlət büdcəsinə ödənilməsini təmin etməyərək dövlətin, eləcə də “Aqrolizinq” ASC-nin qanunla qorunan hüquqlarına və qanuni mənafelərinə zərər vurmasında şübhələr üçün əsaslar olduğundan ona Cinayət Məcəlləsinin 179.3.2 (mənimsəmə və ya israf etmə) və 308.2-ci (vəzifə səlahiyyətlərindən sui-istifadə) maddələrində nəzərdə tutulan ittiham elan edilməklə məhkəmənin qərarı ilə barəsində həbs qətimkan tədbiri seçilib.

Hazırda cinayət işi üzrə istintaq davam etdirilir.

Vasif Həsənli

Xəbər lenti

DAHA ÇOX XƏBƏR