Nida.az
Qərbin cavab “atəşi” olacaqmı, yoxsa Cənubi Qafqaz təslim ediləcək?
Soçi görüşü Putinə Qərbə “burada mənim sözüm keçir”
mesajını vermək üçün lazım idi. Bu fikri rus və erməni
politoloqları açıq şəkildə ifadə edirlər. Onlar hesab edirlər ki,
Soçi görüşü Putinə həm də Ukrayna böhranı fonunda lazım idi.
Görüşdə ciddi bir sənədin qəbul edilməməsi də əsas yaratdı ki,
Kreml Qərbə regiondakı təsirini nümayiş etdirir.
Rusiyalı siyasi ekspert Vadim Dubanov görüşlə bağlı bildirib ki,
Rusiya Qərbə Qafqazın onun təsir zonasında olduğunu göstərdi.
Ermənistanda Azad Demokratlar partiyasının sədri, parlamentin
deputatı Xaçatur Kokobelyan da görüşü bu şəkildə şərh edib: “Putin
dünyaya göstərməyə çalışır ki, Azərbaycan və Ermənistan üzərində
böyük təsirə malikdir. Fransa prezidentlərin görüşünə cəhd etsə də,
bu alınmadı. Amma Putin buna nail oldu. O, bununla da Qafqaza hakim
olduğunu göstərmək istəyir”.
Rusiyanın nüfuzlu “Nezavisimaya qazeta” nəşri Soçi görüşünün
nəticələri ilə bağlı hazırladığı materialda bildirilir ki, Rusiya
Qarabağın Ukrayna kimi olmayacağı və Qərbin regionla bağlı
yanaşmalarının səhv olduğunu göstərdi. “Rusiya postsovet məkanında
baş verən hadisələri diqqətlə izləyir, Cənubi Qafqazı öz geosiyasi
maraqları zonası hesab edir və regiona diqqət ayırmağa hazırdır.
Rusiya lazım gələrsə, regionda sülhməramlı qüvvələrini
yerləşdirəcək”, - deyə nəşr bildirir.
Rusiya Soçi görüşü ilə Qərbə öz “dişini” göstərdi və faktiki olaraq
Qarabağ münaqişəsində əsas aparıcı qüvvə rolunu özünə qaytara
bildi. Bundan sonrakı mərhələdə Qərbin cavabı maraqlıdır. Qərb
Moskvanın güc nümayişinə hansı cavabı verəcək, münaqişənin
həllilə bağlı sürətli hərəkətə keçəcəkmi? Yoxsa
Moskvanın Cənubi Qafqazla bağlı maraqlarını qəbul
edəcək?
Publika.az-a açıqlamasında politoloq Fərhad Mehdiyev bildirib ki, Qərbin hazırda nəsə etməsi çətin görünür.
Politoloq bunu Qərbin Ermənistana təsirinin sıfır olması ilə
izah edib: “Qərb bununla bağlı Azərbaycana təzyiq edə bilər, lakin
təktərəfli heç nə alınmayacaq. Digər tərəfdən, Qərb Rusiyanın nəyə
qadir olduğunu və Qafqazdakı təsirini bilir. Putin istəsə, hətta bu
gün Avropa paytaxtlarından birini yer üzündən silər. Amma burada
maraqlı bir məqam var: Rusiya uzunmüddətli strategiyalarda həmişə
Qərbə məğlub olur”.
Politoloq hazırda Qərbin cavabının necə olacağı barədə
danışmağın tez olduğunu bildirib.
Asif Nərimanlı
-
Magazin123:26
Xumar Qədimova daha bir məşhur şeiri mahnıya çevirdi - VİDEO
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi