Nida.az
Dağlıq Qarabağ üçün yeni presedent: Bakı hərəkətə keçməlidirmi?
Beynəlxalq Böhran Qrupunun Cənubi Qafqaz üzrə xüsusi nümayəndəsi
Sabina Freyzer bu günlərdə Dağlıq Qarabağ münaqişəsi ilə bağlı
məqalə dərc etdi.
S.Freyzer məqaləsində yazırdı: “Rusiyanın Krımı qısa müddətdə
ilhaq etməsi və Ukraynanın şərqindəki qarşıdurmalar Azərbaycan və
Ermənistanın hərbi yoldan imtina edərək münaqişəni həll
edəcəklərinə inamı zəiflətmiş oldu. Azərbaycanda belə bir əminlik
yaranıb ki, qısa müddətdə qətiyyətli hərbi əməliyyatlar yolu ilə
getdikcə uzanan və heç bir həlli görünməyən münaqişəni daha tez
bitirmək olar. BMT-nin qətnamələrinə görə, Azərbaycanın ərazi
bütövlüyü qəbul edilir və münaqişənin həllinin bu istiqamətdə
aparılması nəzərdə tutulur. Rəsmi Bakı da danışıqlarda ərazi
bütövlüyünün dəyişilməz qalmasını tələb edir və bu prinsipin əsas
tutulmasını vacib sayır. Həmçinin Ermənistan tərəfdə də belə bir
fikir formalaşıb ki, heç bir beynəlxalq təzyiqlərə məhəl qoymadan
referendum keçirmək və hərbi güc nümayişi yolu ilə, münaqişəni həll
etmək olar”.
Söhbət beynəlxalq hüquqda üç əsas prinsipdən, ərazi bütövlüyünün
toxunulmazlığı, xalqların öz müqəddəratını həll etmə və güc tətbiq
etməməkdən gedir. Üçüncü prinsip Ermənistan tərəfindən atəşkəsin
pozulması ilə zaman-zaman qüvvədən düşür. Ərazi bütövlüyünün
toxunulmazlığı prinsipi də erməni işğalı ilə 20 ildən artıqdır ki
pozulmaqdadır. Burada ermənilərin istinad etdiyi nöqtə xalqların öz
müqəddəratını təyinetmə hüququdur. İrəvan iddia edir ki, Dağlıq
Qarabağ erməniləri öz müqəddəratını təyin edə bilərlər. Əslində,
Bakı bunun əksini tələb etmir. Rəsmi Bakının mövqeyi belədir ki,
Azərbaycanın ərazi bütövlüyü bərpa edilir, ardınca xalqların öz
müqəddəratı məsələsi gündəmə gəlir. Yəni, öz müqəddəratını
təyinetmə prinsipi Azərbaycanın ərazi bütövlüyü prinsipini üstələyə
bilməz.
Bu məsələ münaqişənin həll olunmasında əsas prinsip hesab olunan
Madrid prinsiplərində öz əksini tapır. Bu prinsiplərə görə,
Ermənistan ilk mərhələdə keçmiş Dağlıq Qarabağ Muxtar Vilayətinə
daxil olmayan 6 rayonu geri qaytarılmalıdır. Bundan sonra regionda
bütün kommunikasiyalar açılacaq, azad edilmiş torpaqların
reabilitasiyası üzrə donor konfransı keçiriləcək. Regionda
sülhməramlı müşahidəçilər yerləşdiriləcək, evlərinə qayıdan
köçkünlərin təhlükəsizliyi təmin ediləcək. Növbəti mərhələdə Laçın
və Kəlbəcər rayonları tamamilə azad edilir, azərbaycanlı icma
Dağlıq Qarabağa qayıdır, bundan sonra Azərbaycanın ərazi bütövlüyü
çərçivəsində Dağlıq Qarabağın hüquqi statusu müəyyən edilir. Bu
zaman Dağlıq Qarabağa Rusiya Federasiyası tərkibində Tatarıstan və
Başqırdıstan modeli üzrə yüksək muxtariyyət statusu verilir.
Uzun illər bu prinsiplər ətrafında müzakirələr aparılsa da, ortada
heç bir nəticə yoxdur. Buna səbəbsə erməni tərəfinin
qeyri-konstruktiv mövqeyidir. Belə ki, İrəvan hər dəfə hansısa
bəhanə ilə prosesdən yayınır.
Ukrayna böhranı isə Dağlıq Qarabağ münaqişəsində yeni situasiya
yaratdı. Krımın ilhaqı ilə başlanan böhranda istinad olunan iki
əsas prinsip var: ərazi bütövlüyü və öz müqəddəratını təyin etmə.
Rusiya öz müqəddəratını təyin etmə prinsipini əsas götürərək Krımın
ilhaqına haqq qazandırır. Amma ortada Ukraynanın ərazi bütövlüyünün
pozulması var. Krımın ilhaqı Ermənistan üçün əsas yaradır ki,
Dağlıq Qarabağın müstəqilliyini elan etsinlər. Lakin dünya birliyi
Ukraynanın ərazi bütövlüyü tanıyır ki, bu İrəvan üçün əsas
maneədir. Azərbaycanın mövqeyi isə bununla güclənir. Digər tərəfdən
Ukraynanın şərqində baş verən separat bölünməyə Kiyevin müdaxiləsi
öz ərazisində antiterror əməliyyatlarının keçirilməsi kimi qəbul
edilir. Halbuki buna Ukraynadan əvvəl Azərbaycanın da haqqı var
idi. Çünki BMT qətnamələrində işğal olunan ərazilər Azərbaycanın
torpaqları kimi qəbul edilir və Bakı antiterror əməliyyatlarına
başlamaq üçün hüquqi bazaya malikdir.
Beləliklə, Ukrayna böhranı Dağlıq Qarabağ münaqişəsi üçün yeni
nümunələri ortaya çıxardı.
Publika.az-a açıqlamasında Qafqaz Universitetinin professoru, politoloq Fikrət Sadıqov bildirib ki, ortada oxşarlıq olsa da, hər bir münaqişənin öz tarixi kökləri var.
“Azərbaycan və Ukraynanın ərazi bütövlüyü pozulub. Ukrayna haqlı olaraq öz ərazi bütövlüyünü bərpa edir və bu məsələdə Qərb ona kömək edir. Lakin Azərbaycan eyni şeyi tələb edəndə yanaşmalar ikiləşir və bizi sülhə çağırırlar. Minsk qrupu aktivləşir, tərəfləri masalara dəvət edirlər, aparıcı dövlətlər Ermənistanın nazı ilə oynayırlar”, - o bildirib.
Politoloq qeyd edib ki, Ukrayna hadisələrindən çıxış edəndə
Dağlıq Qarabağın qaytarılması aktuallaşır:
“Hansı ki, müqəddəratını təyin etmə məsələsi Krımda tətbiq edildi
və bu yarIdımadanın ilhaqı ilə nəticələndi. Çətin ki, Rusiya Krımı
bir daha geri qaytarsın. Qərb bunu qəbul etmir, amma onlar
bilməlidir ki, Ermənistanın Dağlıq Qarabağda istədiyi də budur.
Ukrayna isə ərazi bütövlüyü pozulmuş ölkədir. Yəni Azərbaycan da
eyni vəziyyətdədir. Ukraynaya dəstək verən dünya eyni dəstəyi
Azərbaycana da verməlidir”, - deyə o bildirib.
Qeyd edək ki, S.Freyzer Qərbin Ukraynanın ərazi bütövlüyünü dəstəkləməsinin Azərbaycanın mövqelərinə müsbət təsir edəcəyini bildirib.
F. Sadıqov da hesab edir ki, bu Bakının xeyrinədir: “Bakının Krımın işğalını tanımaması da bizim mövqeyimizi gücləndirdi. Lakin ortada real addımlar olmalıdır. Qətnamələr artıq saralmış kağıza dönüb. Qərb isə məsələ bizə aid olanda Ermənistanı dəstəkləyir. Azərbaycan heç vaxt bunu qəbul edə bilməz”.
Asif Nərimanlı
-
Qoroskop16:42
40 yaşından sonra həyatları dəyişəcək bürclər: Pul, ev, karyera...
-
Rəsmi xronika16:00
İlham Əliyev və xanımı Şuşada açılışda iştirak etdilər
-
Sosial15:20
Əməkhaqqı ilə bağlı mühüm dəyişiklik - İyulun 1-dək...
-
Rəsmi xronika14:41
Prezident və birinci xanım Şuşada
-
Dünya14:12
Cəlal Şəngördən şok iddia: Türkiyə bu ölkə ilə birləşəcək
-
Dünya13:52
20 ildən sonra ilk dəfə xəbərdarlıq edildi - Bu gün başlayır, çox təhlükəlidir...
-
İqtisadi gündəm13:27
Türkiyə gündəmi silkələndi: Ərdoğanın vəzifədən azad etdiyi xanım qayıdır
-
Hadisə12:42
Azərbaycanda iki tələbə faciəli şəkildə öldü