Nida.az
ABŞ və Rusiyanın Azərbaycan uğrunda savaş ritorikası
Rusiya ilə Amerika Birləşmiş Ştatları arasında Azərbaycanla bağlı savaş ritorikası başlayır.
Publika.az xəbər verir ki, Rusiya Dövlət Dumasının
Xarici əlaqələr üzrə komitəsinin rəhbəri Aleksey Puşkov dünən
ABŞ-ın Azərbaycandakı səfirliyini sərt şəkildə ittiham edib.
“Mənə elə gəlir ki, Amerikanın Bakıdakı səfirliyinin fəaliyyəti, o
cümlədən onların fəaliyyətinin siyasi aspektləri bir sıra suallar
doğurur. Axı Amerikanın xarici siyasətində “narıncı inqilab”
tematikasını heç kim ləğv etməyib. Və mən hesab edirəm ki, ABŞ-ın
bir sıra ölkələrdə “narıncı inqilabları” israrla dəstəkləməsi
Azərbaycan rəhbərliyi tərəfindən ABŞ-la münasibətlərdə nəzərə
alınır. Yəni bir tərəfdən, burada faydalı aspektlər ola bilər.
Digər tərəfdən, ABŞ-la münasibətlər dövlət üçün çox təhlükəli
olar”, - deyə Puşkov bildirib.
Rusiyadan bu açıqlamanın verilmə tarixi də maraqlıdır. Aprelin 8-də
Bakıda Azərbaycan-ABŞ hərbçilərinin birgə konfransı keçirilib.
Müdafiə Nazirliyinin Təlim və Tədris Mərkəzində baş tutan
konfransda iki ölkə arasında müdafiə sahəsində həyata keçirilən
işlər və ikitərəfli əməkdaşlığın perspektivləri, “Azərbaycan
Müdafiə Nazirliyi ilə ABŞ-ın Avropa Komandanlığı arasında hərbi
əməkdaşlıq üzrə 2016-cı il üçün İş Planı”nın layihəsi müzakirə
edilib.
Tədbirdə Azərbaycan Müdafiə Nazirliyinin müvafiq idarə və
xidmətlərinin, eləcə də Silahlı Qüvvələrin üç qoşun növünün
təmsilçiləri, ABŞ tərəfdən isə Avropa Komandanlığının, ABŞ-ın
Azərbaycandakı Hərbi Attaşeliyinin və Hərbi Əməkdaşlıq Ofisinin
nümayəndələri iştirak ediblər.
Bu konfransla eyni gündə Puşkov mətbuat konfransı keçirib və
məlum açıqlamalarla çıxış edib.
ABŞ-ın Azərbaycandakı səfirliyinin cavabı isə eyni tonda olub və
Rusiya ittiham hədəfinə çevrilib.
“Amerika Birləşmiş Ştatlarının Azərbaycanın suverenliyinə və
müstəqilliyinə göstərdiyi uzunmüddətli dəstək yalnız sözlərdən
ibarət deyil. Bizim həyata keçirdiyimiz fəaliyyətlər onu göstərir
ki, biz Azərbaycanla tərəfdaşlıq edərək Azərbaycanın ən sabit və
tərəqqili gələcəyini təmin etmək istəyirik. Rusiya Duması üzvünün
verdiyi bu bəyanatlar əsassız və dəyəri olmayan bəyanatlardır. Yeri
gəlmişkən, dövlət katibinin müavini Entoni Blinken martın 31-də
Vaşinqtonda qeyd etmişdi ki, Rusiyanın öz ətrafında həyata
keçirdiyi fəaliyyətlər beynəlxalq quruluşun əsasına təhlükə
yaradır”, - deyə səfirlik virtualaz.org-un sorğusuna cavabında qeyd
edib.
Görünür, dünyanın iki əsas bucağı arasında Cənubi Qafqazın ən güclü
ölkəsi – Azərbaycan uğrunda savaş səngimək bilmir. Bu, faktiki
olaraq Azərbaycanın nə dərəcədə əhəmiyyətli ölkə olduğunu da
göstərir.
Azərbaycan Milli Strateji Tədqiqatlar Mərkəzinin rəhbəri,
politoloq Natiq Miri Publika.az-a açıqlamasında bu savaş
ritorikasını şərh edib.
Onun sözlərinə görə, ABŞ və Rusiya zaman-zaman Cənubi Qafqaz
uğrunda müxtəlif formalarda müharibə aparıb: “Bu, birbaşa hərbi
müdaxilə deyil. Lakin informasiya, söz atışması, yaxud siyasi
rıçaqların işə düşməsi ilə müşahidə olunur. Puşkovun açıqlaması da
bunu deməyə əsas verir. Rusiya Azərbaycanın onu ABŞ-a
dəyişəcəyindən narahatdır. Rusiyanın düşdüyü indiki vəziyyətə görə
mərkəzdənqaçma prosesi güclənib və artan xətlə davam edir. Bu gün
post-sovet məkanına daxil olan ölkələrin təhlükəsizliyi ilə bağlı
qarantı yoxdur. Ukraynaya müdaxilə edə bilən Rusiya istənilən
ölkəyə hərbi güc tətbiq edə bilər. Çünki Rusiya artıq iqtisadi
rıçaqlardan da imtina edib və daha çox müdaxilə yolunu tutur.
Yumşaq güc siyasəti tükənir. Söhbət bu gün, yaxud sabah baş
verəcəklərdən getmir. Ümumi mənzərə belə deməyə əsas verir. Hesab
edirəm ki, Puşkovun bu açıqlaması rəsmi Bakıya “dostunu tanı”
mesajıdır. Eyni zamanda, yoluna düşən Bakı-Vaşinqton
münasibətlərinə hansısa formada zərbə vurmaq məqsədi daşıyır”.
N. Miri ABŞ səfirliyinin cavabını haqlı hesab edir. Onun sözlərinə
görə, Puşkov öz fikrini heç nə ilə əsaslandırmır və bu
diplomatiyada qəbul olunmayan etiketdir.
“Bundan başqa, Azərbaycanın reallaşdırdığı beynəlxalq enerji
layihələrinə ABŞ-dan həmişə dəstək gəlib. Belə dəstək olmadan böyük
layihələri həyata keçirmək bir qədər çətin olur. Bu baxımdan,
Puşkovun açıqlamasını dezinformasiya hesab edirəm”, - deyə o
vurğulayıb.
Politoloq ABŞ-Rusiya arasında aparılan Azərbaycan savaşının
təəccüblü olmadığını deyib. Onun sözlərinə görə, hər iki tərəf
bölgədə Azərbaycanın əhəmiyyətini yaxşı anlayır.
Asif Nərimanlı
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?