• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

8 Martda daha gözəl görünmək istəyənlər oxusunlar!

  • Qadın
  • 7 Mart 2015 11:23
  • 757 Baxış
8 Martda daha gözəl görünmək istəyənlər oxusunlar!

Qadınlar bayramında kişilərin boynuna böyük öhdəliklər düşür. Onlar həmin gün başqa vaxtlardakından fərqli davranmalı və kiçik bir hədiyyə ilə xanımların üzünü mütləq güldürməlidirlər.

Ancaq hər şeyi kişilərdən gözləmək də doğru deyil. Çünki insan öz-özünü xoşbəxt etməyi bacarmalıdır. Xoşbəxt olmağa isə həmişəkindən daha baxımlı və gözəl görünməklə başlamaq olar. Unutmayın ki, gözəl qadının özünə inamı, həyat sevgisi artır.

Bəs 8 Martda necə makiyaj etmək lazımdır? Uğurlu makiyaj üçün Publika.az-ın təqdim etdiyi tövsiyələrə diqqət yetirin.

Təbii makiyaj

8 Mart üçün ən zərif makiyaja “Prada” brendinin vizajistləri imza atıblar. Az makiyaj, mükəmməl dəri rəngi, diqqət cəlb etməyən dodaq boyası, yanaqlarda xəfif çəhrayılıq qadını möhtəşəm göstərir. Çünki dəri dincəlmiş, təzə və gənc görünür. Bu makiyaj toplanmış saç ilə daha yaxşı görünür.

Şaftalı çalarları

Giorgio Armani”nin vizajistləri isə ilk baharda şaftalı çalarlarının qadını gözəl göstərdiyinə inanırlar. Qara tuşla kirpiklərinizi boyayın, qara qələmlə qaşlarınızı qalınlaşdırın, şaftalı tonlarında olan dodaq boyası və ənlik çəkin.

Parlaq rənglərdə dodaq boyası

Albalı rənginə boyanan dodaqlardan daha cazibədar nə ola bilər ki? Tuş və ya süni kirpiklə gözlərinizi ön plana çıxara bilərsiniz.

Hörümçək kirpiklər və bənövşəyi pomada

8 Mart üçün daha iddialı bir makiyaj axtarırsınızsa, məşhur vizajistlərin tövsiyə etdikləri tünd rəngli dodaq boyasına müraciət edə bilərsiniz. Yeni mövsümün hörümçək torunu xatırladan kirpikləri və bənövşəyi rəngli dodaq boyası sizi qüsursuz edəcək.

İkirəngli layner

Daha iddialı olmaq üçün ikirəngli layner dəbi ilə ayaqlaşa bilərsiniz. Əvvəlcə qara, daha sonra da ağ rəngli layneri çəkərək, bütün diqqətinizi gözlərinizə çəkin və günün dadını çıxarın.

Saç da makiyaj kimi stili tamamlayır və gözəlliyi vurğulayır. Təqdim etdiyimiz saç modellərindən birini seçərək bayramda daha gözəl və cazibədar görünə bilərsiniz.

Xəbər lenti

DAHA ÇOX XƏBƏR